عام طور پر سڑکوں پر تیز رفتاری کے باعث ہونے والے حادثات سے انسانی جان و مال کا شدید نقصان ہوتا ہے اس کے باوجود ڈرائیو حضرات اپنے ساتھ ساتھ مسافروں کی زندگی بھی داؤ پر لگا دیتے ہیں۔
چند روپوں کی لالچ میں یہ ڈارئیور اپنے آگے چلنے والی بس کو پیچھے کرنے کیلئے کسی بھی خطرے کو خاطر مں نہیں لاتے چاہے وہ پہاڑی علاقہ ہی کیوں نہ ہو۔
ایک ایسی ہی ویڈیو سوشل میڈیاپر وائرل ہورہی ہے جس میں ایک پہاڑی علاقے کی سڑک سے گزرنے والی دو مسافروں سے بھری تیز رفتار بسوں کو دیکھا جاسکتا ہے۔
مذکورہ ویڈیو بھارتی ریاست ہماچل پردیش کے ایک ایسے پہاڑی علاقے کی ہے جس کی سڑک دو رویہ ہے لیکن ان بسوں کے ڈارئیور ایک دوسرے سے آگے نکلنے کیلئے کسی بھی قانون کا خیال نہیں کررہے۔
اس سڑک پر بار بار موڑ آرہے ہیں لیکن ڈرائیوروں کو اس بات کی ذرا پرواہ نہیں کہ کوئی بھی گاڑی اچانک سامنے سے آسکتی ہے اور نتیجے میں بہت بڑا حادثہ بھی ہوسکتا ہے۔
مسافروں کی زندگیوں کو داؤ پر لگانے والی اس طرح کی ویڈیوز انٹرنیٹ پر ایک عام سی بات بنتی جا رہی ہے، مذکورہ ویڈیو کو انسٹاگرام پر ایک صارف نے اپ لوڈ کیا ہے۔
ویڈیو پر کمنٹس میں صارفین نے ڈرائیوروں کی اس حرکت پر شدید تنقید کی اور متعلقہ حکام سے ایسے واقعات پر سختی سے نوٹس لینے کا مطالبہ بھی کیا۔
