شوبز انڈسٹری کی سینئر اداکارہ حنا خواجہ بیات نے اپنے زندگی کے اہم پہلوؤں کے حوالے سے مداحوں کو آگاہ کیا۔
نجی چینل کے مارننگ شو میں اداکارہ حنا خواجہ بیات نے میزبان کے سوال پر بتایا کہ میں ان لڑکیوں میں سے تھی، جس کے لڑکے بھی بہت دوست تھے، مگر کسی کی مجال نہیں تھی کہ کوئی مجھ سے اُلٹی سیدھی بات کرسکے۔
سینئر اداکارہ کا کہنا تھا کہ میں نے سوچ رکھا تھا میں اس چیز پر کبھی کمپرومائز نہیں کروں گی۔
انہوں نے بتایا کہ ان دو عادتوں کے حامل شخص سے شادی کا سوچ بھی نہیں سکتی، ایک وہ شخص جو سگریٹ پیتا ہو، کیونکہ مجھے سگریٹ سے بہت زیادہ الرجی ہے، دوسرا شراب پینے والے شخص سے۔
اس سے قبل شوبز انڈسٹری کی سینئر اداکارہ نے اردو زبان سے ناواقفیت پر فخر اور برطانوی اور امریکی لہجہ اپنانے والوں پر افسوس کا اظہار کیا تھا۔
اداکارہ نے کہا تھا کہ برطانوی اور امریکی زبان سیکھنے سے پہلے اردو سے واقفیت ضروری ہے، اداکارہ نے انسٹاگرام پر یہ پوسٹ شیئر کی تھی جو وائرل ہوگئی۔
انہوں نے ایسے پاکستانیوں کو تنقید کا نشانہ بنایا جو اپنی زبان اردو سے واقف نہیں ہیں اور اس بات پر فخر بھی کرتے ہیں، حنا خواجہ نے لکھا کہ ’آپ کوئی بھی لب و لہجہ اپنالیں چاہے برطانوی یا امریکی وہ نقلی ہی دکھائی دے گا، ہر ایک کو اپنی گرومنگ پر کام کرنے کی ضرورت ہے۔‘
حنا خواجہ کا کہنا تھا کہ پہلے اپنی قواعد پر کام کریں، پھر نئے الفاظ کا ذخیرہ جمع کریں اور لب و لہجہ اپنائیں۔‘
حنا خواجہ بیات کے ساتھ دھوکا ہوگیا؟
اداکارہ نے کہا کہ یہ دیکھ کر افسوس ہوتا ہے کہ باآسانی لوگ یہ کہہ دیتے ہیں کہ ہمیں اردو نہیں آتی اور اس پر فخر بھی کرتے ہیں، آپ جب اپنی زبان اور ثقافت کو چھوڑ دیں گے تو آپ اپنی شناخت خود کھودیں گے، غیروں کی زبان سیکھنے سے پہلے اپنی زبان سے واقفیت ضروری ہے۔
