حال ہی میں رشتہ ازدواج میں منسلک ہونے والی اداکارہ حنا رضوی نے کہا ہے کہ انسٹاگرام پر 4 ملین فالوورز نہیں ہیں۔
اداکارہ حنا رضوی نے گزشتہ روز نجی ٹی وی کے مارننگ شو میں اپنے شوہر عمار احمد کے ہمراہ شرکت کی، جہاں انہوں نے اپنی شادی کی شاپنگ سے متعلق گفتگو کی۔
حنا رضوی نے بتایا کہ میں رمضان میں بیمار تھی اور اسی دوران میں نے اپنی شادی کی مکمل خرید و فروخت کی، مجھے سرخ رنگ پسند ہے مگر شادی کے لیے مجھے اس وقت سنہری رنگ اچھا لگا تو میں نے ویسا ہی لیا۔
View this post on Instagram
حنا رضوی نے انکشاف کرتے ہوئے بتایا کہ شادی پر پہنا گیا اُن کا لباس کسی ڈیزائنر کا نہیں تھا بلکہ انہوں نے اپنا عروسی لباس گھر کے نیچے ہی موجود ایک دکان سے خریدا تھا۔
اس پر شو کی میزبان، مدیحہ نقوی نے سوال پوچھا کہ ’آپ نے شادی کے جوڑے کے لیے کسی ڈیزائنر کے ساتھ اشتراک کیوں نہیں کیا ؟ جس پر حنا رضوی نے کہا کہ ڈیزائنرز کی جانب سے شادی کے جوڑے بھی اُنہیں دیے جاتے ہیں جن کے سوشل میڈیا پر 4 ملین فالوورز موجود ہوتے ہیں۔
حنا رضوی نے کہا کہ میرے پاس اتنے فالوورز نہیں ہیں اور نہ ہی میں رشوتیں دے کر اپنے فالوورز بڑھانا چاہتی ہوں۔
View this post on Instagram
