کراچی: پاکستانی ڈرامہ انڈسٹری کی معروف اداکارہ حرا مانی نے مشہور ترک سیریز ’ارطغرل غازی‘ کی اداکارہ حلیمہ سلطان کا روپ دھار لیا۔
شوبز انڈسٹری کی معروف اداکارہ حرا مانی کے فین پیج پر ان کی حلیمہ سلطان کے روپ میں تصاویر شیئر کی گئیں جسے اداکارہ نے اپنی انسٹا اسٹوری میں شیئر کیا۔
اداکارہ نے اپنی انسٹاگرام اسٹوری میں حلیمہ سلطان کے لباس اور حلیے میں اپنی تصاویر شیئر کیں جنہیں دیکھ کر مداح حیران رہ گئے۔
ایک اور تصویر میں حلیمہ سلطان کے مخصوص سبز لباس میں حرا مانی کی ایڈیٹ کی گئی تصویر بھی شیئر کی گئی ہے۔
اے آر وائی ڈیجیٹل کے ڈراموں ’دو بول‘ اور ’غلطی‘ میں حرا مانی کی اداکاری کو مداحوں کی جانب سے سراہا گیا تھا، ڈرامے میں حرا کے ہمراہ اداکار عفان وحید نے مرکزی کردار ادا کیا تھا۔
یاد رہے کہ حرا مانی کا اصل نام حرا سلمان ہے، حرا مانی اور سلمان ثاقب شیخ 2008 میں رشتہ ازدواج میں منسلک ہوئے تھے ان کے دو بیٹے مزمل اور ابراہیم ہیں۔