پاکستانی اداکارہ حرا اپنے شوہر مانی سے متعلق کیے گئے تبصرے کے باعث ایک بار پھر خبروں کی زینت بن گئی ہیں۔
حرا مانی نے فوٹو اینڈ شیئرنگ ایپ انسٹاگرام اسٹوری پر ایک تصویر شیئر کرتے ہوئے اپنے شوہر کا موازنہ بالی وڈ کے 6 ہیروں سے کیا ہے۔
شیئر کی گئی تصویر پر حرا مانی نے شوہر کی تعریف کرتے ہوئے لکھا کہ ہریتھک کی باڈی ، شاہ رخ کی ادائیں ، بابی دیول جیسے مضبوط بال، سلمان بھائی جیسی کمٹمنٹ، اکشے جیسی مضبوطی اور عامر خان جیسا معصوم ۔
حرا مانی نے ہمیشہ خوش رہنے کا فارمولا شیئر کردیا
اداکارہ کی انسٹاگرام اسٹوری کے بیک گراؤنڈ میوزک پر بالی وڈ سونگ ’تو میرا ہیرو‘ بھی سنا جاسکتا ہے۔
واضح رہے کہ اس سے قبل بھی حرا اپنے شوہر کا موازنہ ہالی وڈ اداکار ٹام ہینکس سے کرچکی ہیں۔
واضح رہے کہ حرا مانی اے آر وائی ڈیجیٹل کے ڈرامہ سیریل دو بول، میرے پاس تم ہو، بندش سمیت متعدد ڈراموں میں اداکاری کے جوہر دکھا چکی ہیں۔
