The news is by your side.

Advertisement

حرا مانی مرحوم والد کو یاد کرکے افسردہ ہوگئیں

پاکستانی ڈرامہ انڈسٹری کی معروف اداکارہ حرا مانی رمضان المبارک میں مرحوم والد کو یاد کرکے افسردہ ہوگئیں۔

اداکارہ حرا مانی نے فوٹو اور ویڈیو شیئرنگ ایپ انسٹاگرام پر ساحل کی ایک سنسان منظر کی تصویر شیئر کی اور مداحوں کو رمضان المبارک کے مقدس مہینے کی مبارک باد دی۔

اداکارہ نے تصویر شیئر کرتے ہوئے کیپشن میں لکھا کہ ’ابو کے بغیر یہ میرا پہلا رمضان ہے۔‘

حرا مانی نے مداحوں سے دعا کی اپیل کرتے ہوئے لکھا کہ ’ان کے والد سید فرخ جمال کو دعاؤں میں یاد رکھیں۔‘ پوسٹ کے آخر میں حرا مانی نے دعا بھی کی۔

واضح رہے کہ گزشتہ سال اداکارہ حرا مانی کے والد سید فرخ جمال انتقال کرگئے تھے، ان کے والد کی انتقال کی اطلاع سوشل میڈیا پر ان کے شوہر سمان شیخ (مانی) نے دی تھی۔

حرا مانی سوشل میڈیا پر کافی متحرک رہتی ہیں اور اکثر اپنی فیملی تصاویر شیئر کرتی رہتی ہیں جسے ان کے مداحوں کی جانب سے بھی سراہا جاتا ہے۔

اداکارہ نے حال ہی میں اے آر وائی ڈیجیٹل کے ڈرامہ سیریل ’یہ نہ تھی ہماری قسمت‘ میں منتہا کا مرکزی کردار نبھایا تھا، ڈرامے کی دیگر کاسٹ میں منیب بٹ، عائزہ اعوان، نور الحسن ودیگر شامل تھے۔

Comments

یہ بھی پڑھیں