پاکستان کے خلاف زہر اگلنے پر پاکستانی شوبز انڈسٹری کی اداکاراؤں ثروت گیلانی اور حرا مانی نے ہندوتوا سوچ رکھنے والی بالی وڈ اداکارہ کنگنا رناوت کو کرارا جواب دے دیا۔
کنگنا رناوت نے اپنے انسٹاگرام پر پاکستان کے خلاف زہر اگلا اور آپریشن بنیان مرصوص سے نفرت کا اظہار کیا۔ اس نے لکھا کہ دہشتگردوں سے بھری ہوئی زمین کو دنیا کے نقشے سے مٹ جانا چاہیے۔
پاک بھارت کشیدگی سے متعلق تمام خبریں
اس پر ردعمل دیتے ہوئے حرا مانی نے سخت الفاظ میں جواب دیا۔ انہوں نے لکھا کہ تجھے ہریتک نے بالکل ٹھیک لات ماری تھی اور کام تیرے پاس ہے نہیں چپکلی کہیں کی۔
View this post on Instagram
حرا مانی نے لکھا کہ پاکستان سے تو تمہیں گالیاں پڑتی ہی ہیں بھارت نے بھی تمہیں سائیڈ پر رکھا ہوا ہے۔
ادھر، اداکارہ ثروت گیلانی نے بھی کنگنا رناوت کو کرارا جواب دیتے ہوئے کہا کہ کنگنا رونات، امید ہے کہ بھارت ایک دن آپ کو قبول کرے گا اور آپ جلد ہی اس سے آزاد ہو جاؤں گی۔
View this post on Instagram
دوسری جانب بھارتی نیوز چینلز کی مضحکہ خیز اور غیر ذمہ دارانہ صحافت سے خود بھارتی فنکار بھی پریشان ہیں۔
گزشتہ روز بالی وڈ اداکارہ سوناکشی سنہا نے بھارتی نیوز چینلز کو خبروں کا سرکس اور مذاق قرار دیتے ہوئے ان سے سنسنی پھیلانے کے بجائے حقیقت سامنے لانے کی درخواست کی تھی۔
آج بالی وڈ اداکارہ پرینیتی چوپڑا بھی بھارتی میڈیا پر برس پڑیں اور کہا کہ بھارتی میڈیا جھوٹی خبریں نہ پھیلائے۔
پرینیتی چوپڑا نے کہا کہ اس وقت ہم جو سب سے برا کام کر سکتے ہیں وہ ہے جعلی خبریں پھیلانا اور ان لوگوں کو خوفزدہ کرنا جو گھروں میں بیٹھے یہ سب دیکھ رہے ہیں۔
