پاکستانی اداکارہ حرا مانی اور معروف کامیڈین مانی (سلمان ثاقب شیخ) کے صاحبزادے مزمل اور ابراہیم ہالی ووڈ کی حال ہی میں ریلیز ہونے والی فلم ’’جوکر‘‘ سے بہت زیادہ متاثر ہوئے۔
پاکستانی ادکارہ اپنے صاحبزادوں کے ساتھ سینیما میں ہالی ووڈ فلم جوکر دیکھ کر آئیں جس کے بعد اُن کے دونوں صاحبزادے مرکزی کردار سے اس قدر متاثر ہوئے کہ انہوں نے وہی حلیہ بنا کرجوکر کے ساتھ اظہار یکجہتی کیا۔
حرا مانی کے صاحبزادے مزمل کا کہنا تھا کہ ’’میں جوکر فلم دیکھنا چاہتا تھا، کیونکہ ہمیشہ میرے ذہن میں ایک ہی بات تھی کہ اس طرح کے روپ میں منفی کردار کو کیوں اجاگر کیا جاتا ہے‘‘۔
’’میرے خیال میں جوکر اچھی شخصیت کا مالک ہے مگر لوگوں کی خود غرضی اور معاشرتی رویے کی وجہ سے وہ تشدد کی راہ پر چل پڑا‘‘۔
جوکر کے منفی کردار پر مزمل کا کہنا تھا کہ ’’غلط خیالات رکھنے والے جوکر کا مذاق بناتے اور اُسے طعنے دیتے تھے، اُسے اسکول میں بھی ان سب چیزوں کا سامنا کرنا پڑا، جوکر کے درد کو سوائے اُس کے کوئی نہیں سمجھ سکتا‘‘۔
View this post on Instagram
مزمل کا ماننا ہے کہ اس طرح کے رویے کی وجہ سے جوکر کو ذہنی بیماری کا سامنا کرنا پڑا جس کی وجہ سے وہ برا ہوگیا۔ حرا مانی کے صاحبزادے نے جوکر کے کردار کی تعریف کی اور اُس کے ساتھ ہونے والی معاشرتی ناانصافی پر وہی سوٹ پہنا۔
