نیویارک : ایشیا سوسائٹی کی جانب سے پرنس کریم آغا خان کو انسانیت کیلئے خدمات پر ایشیا گیم چینجر کے اعزاز سے نوازا جائے گا۔

اسماعیلیوں کے روحانی پیشوا پرنس کریم آغا خان کو گیم چینجر لائف ٹائم اچیومنٹ ایوارڈ 2017 کیلئے نامزد کردیا گیا، انہیں یہ ایوارڈ ایشیا سوسائٹی آف امریکہ کے زیراہتمام ہونے والی تقریب میں دیا جائے۔

پرنس کریم آغا خان کو یہ ایوارڈ ان کی انسانیت کیلئے گران قدر خدمات پر دیا جائے گا۔

This year’s #AsiaGameChangers lifetime achievement award honors His Highness the Aga Khan for his philanthropic work https://t.co/lUU7Op79S0 pic.twitter.com/47JBtTsnpQ

— Asia Society (@AsiaSociety) August 9, 2017

آغا خان ٹرسٹ کے تحت دنیا بھر میں صحت اور تعلیم کے شعبے میں کام کئے جارہے ہیں، اس کے علاوہ آغا خان نے امن و اخوت کیلئے بھی خدمات سرانجام دیں ہیں۔

ایوارڈ کی تقریب یکم نومبر کو نیو یارک میں اقوام متحدہ کے ہیڈ کوارٹر میں منقعد کی جائے گی ، تقریب میں ایشیائی سے تعلق رکھنے دیگر افراد کو بھی مختلف ایوارڈ دیئے جائیں گے۔

خیال رہے ایشیا سوسائٹی کی جانب سے 2014 میں ایشیا گیم چینجرز ایوارڈ کا آغاز کیا گیا تھا، ایوارڈ کو حقیقی رہنماؤں کی شناخت اور اعزاز دینے کے لئے ڈیزائن کیا گیا ہے، جو ایشیا اور دنیا کے مستقبل کیلئے تبدیلی لانے میں مثبت کردار ادا کر رہے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔