واشنگٹن: 81 سال قبل بحر الکاہل کے گرد پرواز کے دوران پر اسرار طور پر لاپتا ہونے والی خاتون پائلٹ ’ایمیلیا ایئر ہارٹ‘ کا سراغ لگا لیا گیا۔
تفصیلات کے مطابق خاتون پائلٹ ایمیلیا جہاز کے ذریعے دنیا کا چکر لگانا چاہتی تھی تاہم ’نکو مورورو‘ نامی جزیرے کے قریب سے گزرتے ہوئے اچانک ان کا جہاز لاپتا ہوگیا تھا جس کے بعد تلاش کا سلسلہ شروع کیا گیا لیکن کوئی خبر نہ مل سکی تھی۔
فورینزک اینتھرو پولوجی جرنل (ایف اے پی جے) میں شائع ہونے والی ایک تحقیق میں دعویٰ کیا گیا ہے کہ لاپتا ہونے والی پائلٹ کی 99 فیصد ہڈیاں ملی چکی ہیں جس کی فارنزک تحقیق سے پتا چلا کہ مذکورہ ہڈیاں ایمیلیا ایئر ہارٹ کی ہیں۔
نوازشریف کو ملائشین وزیراعظم کا فون،لاپتہ جہاز پر تبادلہ خیال
دوسری جانب امریکا کی یونیورسٹی آف ٹینے سی سے منسلک ماہرِ عمرانیات رچرڈ جانٹز کا کہنا ہے کہ حال ہی میں کی جانے والی تحقیق اور بعض دیگر شواہد سے اس امکان کو تقویت ملتی ہے کہ مذکورہ ہڈیاں امیلیا کی ہی ہیں۔
واضح رہے کہ سنہ 1940 میں بحر الکاہل میں واقع جزیرے نیکو مارورو کے ساحل سے انسانی ہڈیاں ملی تھیں جن کے بارے میں کئی ماہرین کا خیال رہا تھا کہ یہ ہڈیاں امیلیا کی ہیں تاہم اب تحقیق کے بعد یہ ثابت ہوگیا کہ ہڈیاں حقیقتا ایمیلیا ایئر ہارٹ کی ہی ہیں۔
ملائیشیا ایئرلائن کا لاپتہ ہوائی جہازتاحال نہ مل سکا
خیال رہے کہ امیلا ایئر ہارٹ ایک معروف امریکی مہم جو اور خاتون پائلٹ تھیں جنہوں نے 1928ء میں بحرِ اوقیانوس کے اوپر تنِ تنہا اور بغیر رکے پرواز کرنے والی دنیا کی پہلی خاتون ہونے کا اعزاز حاصل کیا تھا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
