چین میں چو سو سالہ قدیم ڈرم ٹاور کا ایک حصہ اچانک زمین بوس ہوگیا، جس کی ویڈیو سوشل میڈیا پر تیزی سے وائرل ہورہی ہے۔
خبر ایجنسی کے مطابق ٹاور کے گرنے کی کوئی ظاہری وجہ سامنے نہیں آئی۔ فینگ یانگ ڈرم ٹاور جو 1375میں تعمیر کیا گیا تھا جسے تقریبات کے آغاز اور دن کے وقت کا اعلان کرنے کے لیے استعمال کیا جاتا ہے۔
رپورٹس کے مطابق یہ ٹاور چین کے سب سے بڑے ٹاورز میں سے ایک ہے۔ بیجنگ سے دو سو میل دور یہ ٹاور سیاحوں کی توجہ کا مرکز ہے۔
عینی شاہد نے بتایا کہ ڈرم ٹاور کے دروازے کے پاس ایک دکان میں موجود تھا، کہ اچانک ٹائل گرنے کی آوازیں آنا شروع ہوگئیں، خوش قسمتی سے واقعے میں کوئی زخمی نہیں ہوا۔
دوسری جانب سے بھارت کے دہلی میں ایک حادثہ رونما ہوا، جہاں ایک چار منزلہ رہائشی عمارت منہدم ہوگئی، جس کے نتیجے میں 6 افراد ہلاک جبکہ متعدد ملبے تلے دب گئے۔
نیشنل ڈیزاسٹر ریسپانس فورس (این ڈی آر ایف) اور پولیس کی ٹیمیں واقعے کی اطلاع ملنے کے بعد ریسکیو کے لئے پہنچ گئی تھیں، تقریباً 14افراد کو ریسکیو کیا گیا ہے، جن میں 6افراد دم توڑ چکے تھے۔
شمال مشرقی ضلع کے ایڈیشنل ڈی سی پی سندیپ لاما نے میڈیا کو بتایا کہ کئی لوگ جو زخمی ہوئے ہیں اور جنہیں بچا لیا گیا ہے، قریبی اسپتال میں زیر علاج ہیں۔
چین کے ریسٹورنٹ میں خوفناک آتشزدگی، 22 افراد زندہ جل گئے
ڈیویژنل فائر آفیسر کا کہنا تھا کہ رات تقریباً 2.50 بجے، ہمیں عمارت گرنے کی اطلاع ملی۔ این ڈی آر ایف، دہلی فائر سروس اور دیگر ایجنسیاں ریسکیو آپریشن کررہی ہیں۔
