اسلام آباد : موجودہ حکومت نے نوماہ میں پیٹرولیم مصنوعات 83.65 روپے تک فی لیٹرمہنگی کیں اور بجلی صارفین پرایک ہزار ارب روپے سے زائد کا اضافی بوجھ ڈالا.
تفصیلات کے مطابق اتحادی حکومت کے نو ماہ میں پیٹرول اور بجلی کی قیمتوں میں تاریخی اضافہ ہوا۔
موجودہ حکومت میں پیٹرولیم مصنوعات 83.65 روپے تک فی لیٹرمہنگی کی گئیں ، پیٹرول کی فی لیٹر قیمت میں 64 روپے 94 پیسے کا اضافہ کیا گیا۔
اس عرصے میں ڈیزل 83 روپے 65 پیسےمٹی کا تیل 46روپے27پیسے فی لیٹر مہنگا ہوا اور لائٹ ڈیزل آئل 50 روپے 69 پیسے فی لیٹر مہنگا کیا گیا۔
پی ٹی آئی کے ساڑھے 3 سال میں پیٹرولیم مصنوعات54.62 روپے تک مہنگی ہوئی تھیں۔
دوسری جانب اتحادی حکومت نے بجلی صارفین پرایک ہزار ارب روپے سے زائد کا اضافی بوجھ ڈالا ، بنیادی ٹیرف،سہہ مائی ایڈجسٹمنٹ میں بجلی12.67 روپے تک فی یونٹ مہنگی کی گئی جبکہ صارفین نے ماہانہ فیول ایڈجسٹمنٹ میں اضافے کا بوجھ الگ برداشت کیا۔
