The news is by your side.

Advertisement

پنجاب کی تاریخی سرکاری عمارتوں کو سیاحتی مقاصد کے لئے استعمال کرنے کا فیصلہ

سیاحت کا فروغ معاشی پالیسی کا بنیادی جز ہے، ریسٹ ہاﺅسز عوام کے لئے کھولنے کا اقدام بے مثال ہے، عثمان بزدار کی وفود سے گفتگو

لاہور: وزیراعلیٰ پنجاب سردارعثمان بزدار نے کہا ہے کہ ٹورازم کے لحاظ سے  پرکشش صوبے کی تاریخی سرکاری عمارتوں کو سیاحتی مقاصد کے لئے استعمال کیا جائے گا۔

یہ بات انہوں نے ملاقات کیلئے آنے والے مختلف وفود سے گفتگو کرتے ہوئے کہی، وزیراعلیٰ عثمان بزدار نے بتایا کہ وسائل میں اضافے کے لئے حکومتی اثاثوں کا بہترین استعمال یقینی بنایا جائے گا۔

پنجاب میں ریسٹ ہاﺅسز کو عوام کے لئے کھولنے کا تاریخی اقدام بے مثال ہے، سرکاری ریسٹ ہاﺅس میں عوام قیام وطعام کی عمدہ سہولت سے مستفید ہو ں گے۔

وزیراعلیٰ عثمان بزدار نے کہا کہ سیاحت کا فروغ حکومت کی معاشی پالیسی کا بنیادی جز ہے، مربوط ٹور ازم پالیسی کے تحت پنجاب میں نئے ٹورریسٹ مقام ڈویلپ کئے جائیں گے۔

انہوں نے کہا کہ سیاحتی مقامات پر تمام ضروری سہولتیں فراہم کرنے کے پروگرام پر تیزی سے عملدرآمد جاری ہے، سیاحت کے فروغ سے مقامی آبادیوں کو روزگار کے مواقع ملیں گے۔

قبل ازیں وزیراعلیٰ عثمان بزدار نے وفود سے گفتگو کرتے ہوئے کہا کہ لوٹی ہوئی دولت واپس آئی تو حالات بدل جائیں گے، وزیراعلیٰ نے کہا کہ کڑا وقت گزر نے کو ہے،اچھا دور شروع ہورہا ہے، معاشی نظم و ضبط سے صورتحال بہتری کی طرف گامزن ہوجائے گی۔

وزیراعلیٰ عثمان بزدار نے مزید کہا کہ عام آدمی کی زندگی میں دیرپا اور مثبت تبدیلیاں لائیں گے اور کم آمدنی والے لوگوں کو معاشی ترقی کے دھارے میں شامل کیا جارہا ہے۔

Comments

comments

یہ بھی پڑھیں