ممبئی : دبنگ خان کو تیرہ سال بعد ممبئ ہائیکورٹ سے کلین چٹ مل گئی، ہٹ اینڈ رن کیس میں ممبئی ہائی کورٹ نے سلمان خان کو بے قصور قرار دے دیا.
ہٹ اینڈ رن کیس میں ثبوت ناکافی ہونے کے باعث ممبئی ہائیکورٹ نے دبنگ خان با عزت بری کردیا، عدالت کا کہنا ہے کہ استغاثہ یہ ثابت کرنے میں ناکام رہا ہے کہ سلمان خان نشے میں گاڑی چلا رہے تھے جبکہ واقعے کے عینی شاہدین کے بیانات بھی ریکارڈ پر نہیں لائے گئے، ان ثبوتوں کی بنیاد پر سلمان خان کو سزا نہیں سنائی جاسکتی.
واضح رہے کہ سلمان خان پردو ہزار دو میں نشے کی حالت میں ایک شخص کو گاڑی سے کچل کرہلاک کرنے کا الزام تھا۔
- Advertisement -
ممبئی کی سیشن عدالت نے رواں سال مئی میں بالی وڈ اسٹار خان کو کیس میں مجرم قرار دیتے ہوئے پانچ سال قید اور پچیس ہزار جرمانے کی سزا سنائی تھی، جس کے بعد سلمان خان ضمانت پر رہا تھے.
