The news is by your side.

Advertisement

ذخیرہ اندوزی کرنے والوں کو بغیر وارنٹ گرفتار کیا جاسکےگا،اجمل وزیر

پشاور: مشیر اطلاعات خیبرپختونخوا اجمل وزیر کا کہنا ہے کہ ذخیرہ اندوزی کرنے والوں کو بغیر وارنٹ گرفتار کیا جاسکےگا۔

تفصیلات کے مطابق پشاور میں میڈیا بریفنگ کے دوران مشیر اطلاعات خیبرپختونخوا اجمل وزیر نے کہا کہ افغانستان سے آنے والے520 افراد کو قرنطینہ سینٹر منتقل کر دیاگیا،افغانستان سے آنے والے افراد کے ٹیسٹ کیے جا رہے ہیں۔

ذخیرہ اندوزی سے متعلق اجمل وزیر کا کہنا تھا کہ ناجائز منافع خوری اور ذخیرہ اندوزی کے خلاف سخت اقدامات کر رہے ہیں،ذخیرہ اندوزی کرنے والوں کے خلاف آرڈیننس جاری کر دیا گیا ہے۔

انہوں نے بتایا کہ ذخیرہ اندوزی کرنے والوں کو بغیر وارنٹ گرفتار کیا جاسکےگا،ذخیرہ اندوزوں کو 3سال قید،جرمانہ او ضبط شدہ مال کی نیلامی کی جائے گی، ذخیرہ اندوزی کی نشاندہی کرنے والوں کو ضبط مال سے 10 فیصد بطور انعام دیا جائے گا۔

مشیر اطلاعات خیبرپختونخوا کا کہنا تھا کہ کے پی حکومت کے جتنے وسائل ہیں وہ عوام کے لیے استعمال کر رہے ہیں،ہمیں خود سے زیادہ اپنے عوام کی جان عزیز ہے۔

اجمل وزیر نے مزید کہا کہ عوام کرونا وائرس کے پیش نظر سماجی فاصلوں پر سختی سے عمل کریں، ہم نے کرونا کے خلاف جنگ احتیاطی تدابیر،سماجی فاصلے سے لڑنی ہے۔

Comments

یہ بھی پڑھیں