پاکستان کے ہاکی ٹیم کے کپتان عماد شکیل بٹ کا کہنا ہے کہ حکومت جس طرح کرکٹ کو سپورٹ کرتی ہے ہاکی کو بھی کرے۔
پاکستان ہاکی ٹیم کے کپتان عماد شکیل بٹ نے یومیہ الاؤنس نہ ملنے پر ایک بیان میں کہا کہ ایسا کوئی ہے جو پاکستان ہاکی ٹیم کا دکھ درد سمجھ سکے، پاکستان میں کرکٹ زیادہ مقبولیت کا حامل لیکن قومی کھیل کو پوچھنے والے بہت کم ہیں۔
ہاکی ٹیم کے کپتان کا کہنا تھا کہ قومی کھیل ہاکی اصل مقام حاصل کرنے کیلئے بقا کی جنگ لڑ رہی ہے، کیا ہمارے ملک کے سیاستدانوں کو قومی کھیل کی فکر ہے، اولمپک گولڈ میڈل جیتنے والے کھیل پر ہمارے وزرا زیادہ دلچسپی رکھتے ہیں۔
انہوں نے کہا کہ کروڑوں روپے کرکٹ لیگز پر بزنس مین خرچ کردیتے ہیں مگر ہاکی کیلئے بجٹ نہیں ہوتا ہے، ہم کھلاڑی ہیں اور ہمارا دکھ درد کوئی نہیں سمجھ سکتا ہے۔
عماد بٹ نے مزید کہا کہ جائز حقوق نہ ملنے کے باوجود ہم ٹائٹل جیتنے کیلئے میدان میں اترتے رہے ہیں، ب وقت آگیا ہے کہ سب کو ملکر پاکستان ہاکی کیلئے ہم آواز بننا پڑے گا، اگر ایسا ممکن نہ ہوسکا تو پاکستان ہاکی کا وجود مٹ سکتا ہے۔
واضح رہے کہ ملائیشیا میں پاکستان ہاکی ٹیم کے کھلاڑی یومیہ الاؤنس کے منتظر ہیں، ذرائع کےمطابق ملائشیا کے دورے کو دس دن ہوگئے، کھلاڑیوں کو پیسے نہیں ملے۔
