بھونیشور: ہاکی ورلڈ کپ کے پری کوارٹر فائنل میں بیلجیم نے پاکستان کو شکست دے کر ورلڈ کپ سے باہر کردیا۔
تفصیلات کے مطابق ہاکی ورلڈ کپ کے اہم میچ میں پاکستان کو بیلجیم نے 5-0 گول سے شکست دے دی، پاکستان کا ہاکی ورلڈ کپ میں سفر ختم ہوگیا، گروپ ڈی سے پاکستان کوئی بھی میج جیت نہ سکا۔
بیلجیم کی ٹیم شروع سے ہی میچ پر حاوی رہی اور باآسانی گول اسکور کیے۔
قومی ٹیم نے اپنا پہلا میچ جرمنی کے خلاف کھیلا جس میں 1-0 سے شکست کا سامنا کرنا پڑا اور قومی ٹیم نے گول کرنے کے کئی مواقع ضائع کئے۔
GOAL! @TomBoon27 coolly slots past Imran Butt to make it a high-five on the score-line for the @BELRedLions!
BEL 5-0 PAK#BELvPAK #IndiaKaGame #HWC2018 #DilHockey
— Hockey India (@TheHockeyIndia) December 11, 2018
دوسرے میچ میں ملائیشیا کے خلاف قدرے بہتر کھیل پیش کیا اور میچ 1-1 سے برابر رہا، تیسرے میچ میں نیدر لینڈز نے گرین شرٹس کو 5-1 شے شکست دی۔
بہتر گول اوسط پر پاکستان نے کوئی میچ نہ جیت کر بھی ناک آؤٹ مرحلے کے لیے کوالیفائی کیا تھا۔
قومی ٹیم آٹھ سال بعد ہاکی ورلڈ کپ کھیل رہی تھی اس سے قبل قومی ٹیم کوالیفائی نہ کرسکی تھی، آٹھ سال پہلے بھارت میں ہی گرین شرٹس نے ہاکی ورلڈ کپ میں شرکت کی تھی تاہم اس میں آخری نمبر پر رہی تھی۔
