بھونیشور: بھارت میں جاری ہاکی ورلڈ کپ میں پاکستان اور ملائیشیا کے درمیان کھیلا جانے والا میچ 1-1 گول سے برابر ہوگیا۔
تفصیلات کے مطابق بھارت میں جاری ہاکی ورلڈ کپ کے اہم میچ میں پاکستان اور ملائیشیا کا مقابلہ ایک، ایک گول سے برابر ہوگیا، پاکستان کی جانب سے کھیل کے 51 ویں منٹ میں محمد عتیق نے گول کرکے ٹیم کو برتری دلائی۔
قومی ہاکی ٹیم کی برتری حریف ٹیم نے 4 منٹ بعد ہی ختم کردی جب ملائیشیا کے فیصل ساری نے گول اسکور کیا۔
ملائیشیا کے فیصل ساری کو گول برابر کرنے پر میچ کا بہترین کھلاڑی قرار دیا گیا۔
Full Time: PAK VS MAS 1-1
Pool D Malaysia – Pakistan #HWC2018
Pak: 51* ATIQ Muhammad FG
Mas: 55* SAARI Faizal PC
Schedule & Details on: https://t.co/bjVZ7C48jR@FIH_Hockey @sports_odisha @asia_hockey @HaierPakistan @TheHockeyIndia pic.twitter.com/qSHbIBs9Yl— Pakistan Hockey (PHF) (@PHFOfficial) December 5, 2018
ہاکی کے میگا ایونٹ میں قومی ہاکی ٹیم نے ملائیشیا کے خلاف اپنا دوسرا میچ کھیلا تھا، پہلے میچ میں جرمنی نے قومی ٹیم کو 1-0 سے شکست دی تھی اور قومی ٹیم نے گول کرنے کے کئی مواقع ضائع کیے تھے۔
آج کھیلے جانے والے دوسرے میچ میں جرمنی نے ہالینڈ کو 4-1 سے شکست دی، ایونٹ میں جرمنی کی یہ دوسری کامیابی ہے۔
قومی ہاکی ٹیم کی اگلے راؤنڈ میں رسائی کا فیصلہ نیدر لینڈز کے خلاف میچ کے بعد ہوگا جو 9 دسمبر کو کھیلا جائے گا۔
