بھونیشور: ہاکی ورلڈ کپ کے گروپ میچ میں نیدرلینڈز نے پاکستان کو 5-1 گول سے شکست دے دی، پری کوارٹر فائنل میں پاکستان کا مقابلہ 11 دسمبر کو بیلجیم سے ہوگا۔
تفصیلات کے مطابق پاکستان اور نیدر لینڈز کے درمیان ہاکی ورلڈ کپ کا اہم میچ کھیلا گیا جس میں نیدرلینڈز نے پاکستان کو 5-1 گول سے شکست دی، پاکستان کی طرف سے واحد گول عمر بھٹہ نے کیا۔
ملائیشیا سے بہتر گول اوسط کی بنیاد پر پاکستان کی اگلے مرحلے تک رسائی ہوئی۔
پاکستان اور نیدرلینڈز کے درمیان میچ سے قبل ملائیشیا اور جرمنی مدمقابل آئے جس میں جرمنی نے ملائیشیا کو 5 کے مقابلے میں 3 گول سے شکست دی، اس میچ کے بعد جرمنی کوارٹر فائنل میں پہنچا اور ملائیشیا ایونٹ سے باہر ہوگیا۔
.@oranjehockey end their run in Pool D on a high as they score 5 goals past @PHFOfficial in a high-octane match played at the OHMWC Bhubaneswar 2018 on 9th December.#NEDvPAK #IndiaKaGame #HWC2018 #DilHockey pic.twitter.com/Rr2E2FWxmn
— Hockey India (@TheHockeyIndia) December 9, 2018
واضح رہے کہ ہاکی ورلڈ کپ میں گروپ ٹیموں کے درمیان تین میچز کھیلے گئے تھے جس میں پاکستان کو پہلے میچ میں جرمنی سے شکست کا سامنا کرنا پڑا جبکہ دوسرا میچ ملائیشیا سے 1-1 گول سے برابر رہا تھا۔
گروپ میچز کے اختتام پر ہر گروپ کی ٹاپ ٹیم براہ راست کوارٹر فائنل کے لیے کوالیفائی کرجائے گی جبکہ دوسری اور تیسری پوزیشن حاصل کرنے والی ٹیموں کے خلاف ایک میچ کھیلا جائے گا جس کی فاتح ٹیم کوارٹر فائنل کھیلے گی۔
ہاکی ورلڈ میں قومی ٹیم کسی میچ میں کامیابی حاصل نہیں کرسکی ہے جبکہ ایک میچ میں کامیابی حاصل کرکے کوارٹر فائنل میں رسائی ممکن ہوسکتی ہے۔
