The news is by your side.

Advertisement

کویت: قومی تعطیلات کے دوران پروازوں کی تفصیلات جاری

کویت سٹی: کویت میں قومی تعطیلات کے دوران پروازوں اور ان میں سفر کرنے والے مسافروں کے حوالے سے تفصیلات جاری کردی گئیں۔

مقامی میڈیا رپورٹ کے مطابق سرکاری اعداد و شمار سے پتہ چلا کہ 2 لاکھ 42 ہزار سے زائد شہری اور رہائشی قومی تعطیلات کے دوران کویت کے ہوائی اڈے کے ذریعے سفر کریں گے۔

یہ سلسلہ تقریباً 10 دن تک جاری رہے گا جبکہ مسافروں کے لیے پسندیدہ مقامات کی فہرست میں استنبول، قاہرہ، دبئی اور جدہ شامل ہیں۔

اعداد و شمار کے مطابق اس ماہ کی 24 تاریخ سے 5 مارچ تک کے عرصے میں کویت کے ہوائی اڈے کے ذریعے 2 لاکھ 42 ہزار سے زائد شہریوں اور رہائشیوں کی سفری نقل و حرکت کا مشاہدہ کیا جائے گا۔

ان میں سے 1 لاکھ 33 ہزار 541 کویتی و غیر ملکی 55 فیصد سے زیادہ کی شرح سے روانہ ہوں گے، جبکہ تقریباً 44 فیصد مسافر کویت کے ہوائی اڈے کے ذریعے کویت آئیں گے جن کی تعداد 1 لاکھ 8 ہزار 494 ہے۔

اعداد و شمار کے مطابق قومی تعطیلات کے دوران کویت چھوڑنے والوں کی تعداد 23 فیصد سے زیادہ ہے جن کی تعداد 25 ہزار 47 ہے۔

10 دن کی تعطیلات کے دوران کویت کے ہوائی اڈے پر مسافروں کو لے جانے کے لیے تقریباً 2 ہزار 280 پروازیں آئیں گی جس میں اوسطاً 228 پروازیں یومیہ ہوں گی۔

تعطیلات کے دوران پروازوں میں تقریباً 11 سو 41 آنے والی پروازیں شامل ہیں جن میں اوسطاً 114 پروازیں یومیہ ہیں اور 11 سو 40 روانگی کی پروازیں اوسطاً 114 پروازیں یومیہ ہیں۔

Comments

یہ بھی پڑھیں