ہالی وڈ کی ایکشن فلموں کے مشہور ہیرو جیسن اسٹیتھم نے فلسطینی عوام سے یکجہتی کے لیے اپنی گاڑی پر فلسطینی پرچم لگادیا جس کی ویڈیو وائرل ہوئی۔
غزہ میں جاری اسرائیلی بربریت کی ایک دنیا مخالفت کررہی ہے اور فلسطینیوں پر ظلم و ستم روکنے کا مطالبہ کررہی ہے۔ زیرگردش ویڈیو میں معروف ہالی ووڈ اداکار جیسن اسٹیتھم اپنی کار پر فلسطینی پرچم لگاتے ہوئے دیکھے گئے۔
ویڈیو میں دیکھا جاسکتا ہے کہ جیسن اسٹیتھم اپنی سیاہ گاڑی کے بونٹ پر فلسطینی جھنڈا لگا کر اسے چلاتے ہوئے کہیں لے جاتے ہیں، اس منظر کی ویڈیو دور سے بنائی گئی ہے۔
جیسن اسٹیتھم کے اس باہمت عمل کو سوشل میڈیا صارفین کی جانب سے سراہا جا رہا ہے کہ انھوں نے فلسطین کی حمایت کی۔
Famous Hollywood actor Jason Statham hung a Palestinian flag on his car 🇵🇸 pic.twitter.com/Tcqa1Qrs4Y
— Ahmed (@ThisahmedR) October 24, 2023
واضح رہے کہ جیسن سٹیتھم ہالی ووڈ کی مشہور فلموں ٹرانسپورٹر، اسٹاک اینڈ ٹو اسموکنگ، فاسٹ اینڈ فیورئس اور لاک اینڈ بالرز جیسی فلموں میں اپنی اداکاری کے جوہر دکھا چکے ہیں۔
واضح رہے کہ غزہ پر اسرائیلی بمباری کے نتیجے میں شہید ہونے والے فلسطینیوں کی تعداد 6 ہزار سے زائد ہو چکی ہے جبکہ 16 ہزارسے زائد افراد زخمی ہیں۔
فلسطین کی آزادی پسند تنظیم حماس کی جانب سے اسرائیل پر تاریخی اور حیران کن حملے کے بعد سے اسرائیلی افواج نے غزہ پر بمباری کا سلسلہ جاری رکھا ہوا ہے۔
