امریکا میں ہالی وڈ فلم اور ٹی وی انڈسٹری سے منسلک اداکاروں نے ہڑتال کا فیصلہ کرلیا جس کے باعث ملین ڈالرز کے نقصان کا خدشہ ہے۔
غیر ملکی میڈیا کے مطابق اداکاروں کی ہڑتال کی وجہ سے زیر تکمیل فلموں کی شوٹنگ رک جائے گی جس سے فلمیں بنانے والی کمپنیوں کو کئی ملین ڈالرز کے نقصان کا اندیشہ ہے۔
ہڑتال کو ہالی وڈ کے بڑے ناموں کی حمایت حاصل ہے۔ ہالی وڈ یونین نے فیصلہ معاوضوں میں اضافے کی منظوری نہ ہونے پر کیا۔
- Advertisement -
اسکرین ایکٹرز گلڈ ایسوسی ایشن میں ڈیڑھ لاکھ سے زائد اداکار رجسٹرڈ ہیں۔ یونین کا کہنا ہے کہ اسٹوڈیوز اور پروڈیوسرز اداکاروں کو معقول معاوضہ دینے کو تیار نہیں۔
ہالی وڈ کے فلم رائٹرز پہلے ہی معاوضوں میں اضافے کیلیے ہڑتال پر ہیں۔ رائٹرز کے بعد اداکاروں کی ہڑتال سے ہالی وڈ فلم انڈسٹری متاثر ہونے کا خدشہ ہے۔