اسلام آباد: وزارت داخلہ نے مظاہروں اور دھرنوں کے دوران توڑ پھوڑ کرنے والے شرپسندوں کے خلاف کریک ڈاؤن کی ہدایات جاری کر دیں.

تفصیلات کے مطابق وزارت داخلہ نے کریک ڈاؤن کی ہدایت کرتے ہوئے موقف اختیار کیا کہ مظاہرے کی آڑ  میں شرپسندعناصرنےاملاک کو نقصان پہنچایا.

[bs-quote quote=”مذہبی جماعتوں کے بیس کارکنان سمیت سو سے زائد نامعلوم افراد مقدمات میں نامزد ” style=”style-7″ align=”left”][/bs-quote]

وزارت داخلہ نے کہا کہ شہریوں کی املاک کو نقصان پہنچانے والوں کے خلاف کارروائی ہوگی، علمائے کرام نے بھی کہا ہے کہ توڑ پھوڑ میں شرپسندعناصر ملوث ہیں.

شرپسندوں کی نشان دہی کے لئے وزارت داخلہ نے اقدامات اٹھانے کا عندیہ دیتے ہوئے کہا ہے کہ سوشل میڈیا پرشرانگیزمواد کا جائزہ لے رہے ہیں، شرپسندعناصر کاڈیٹاحاصل کرنے کے لئے چیئرمین پی ٹی اے، سائبر کرائم ونگ کو ہدایات جاری کر دی گئی ہیں.

مزید پڑھیں: حکومت اور مظاہرین میں مذاکرات کامیاب، معاہدہ طے پا گیا

وزارت داخلہ نے پنجاب حکومت اور دیگر اداروں سے نقصانات کی تفصیل طلب کر لی ہے، شرپسندی میں ملوث افراد کی فوٹیجزبھی منگوا لیں، فوٹیجز کے ذریعے ملزمان کی نشان دہی کرکے کارروائی کی جائے گی.

اب تک مذہبی جماعتوں کے بیس کارکنان سمیت سو سے زائد نامعلوم افراد مقدمات میں نامزد کیا جاچکا ہے۔

واضح رہے کہ گذشتہ دنوں سپریم کورٹ کے فیصلے کے بعد ملک بھر میں مظاہروں اور دھرنوں کا سلسلہ شروع ہوگیا تھا، جس سے معمولات زندگی مفلوج ہوگئے اور کئی شہروں میں کاروبار ٹھپ ہوگیا.

بعد ازاں حکومت اور مظاہریں میں معاہدہ طے پانے کے بعد دھرنے ختم ہوگئے.