The news is by your side.

Advertisement

محکمہ داخلہ سندھ نے ایم کیو ایم کے تمام رہنماؤں کی سیکورٹی بڑھا دی

کراچی: سابق رکن قومی اسمبلی رضا علی عابدی کی ٹارگٹ کلنگ کے بعد محکمہ داخلہ سندھ نے ایم کیو ایم کے تمام رہنماؤں کی سیکورٹی بڑھا دی ہے۔

تفصیلات کے مطابق کراچی کے علاقے ڈیفنس میں ایم کیو ایم کے سابق رہنما رضا علی عابدی کو دہشت گردوں نے فائرنگ کر کے قتل کر دیا، واقعے کے بعد محکمہ داخلہ سندھ نے ایم کیو ایم رہنماؤں کی سیکورٹی بڑھا دی۔

فیصلہ موجودہ صورتِ حال کے تناظر میں کیا گیا ہے۔

محکمہ داخلہ

متحدہ قومی موومنٹ کے دفاتر پر بھی پولیس کی بھاری نفری تعینات کر دی گئی ہے، سیکریٹری محکمہ داخلہ کے مطابق یہ فیصلہ موجودہ صورتِ حال کے تناظر میں کیا گیا ہے۔

خیال رہے کہ آج متحدہ قومی موومنٹ پاکستان کے سابق رہنما علی رضا عابدی فائرنگ سے جاں بحق ہو گئے، انھیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔


یہ بھی پڑھیں:  کراچی: سابق رکن قومی اسمبلی علی رضا عابدی قاتلانہ حملے میں جاں بحق


وزیرِ اعلیٰ سندھ مراد علی شاہ نے کہا کہ رضا علی عابدی کو قتل کرنے والے دہشت گردوں کو ہر صورت کیفرِ کردار تک پہنچائیں گے، قاتلانہ حملہ شہر کے امن کو خراب کرنے کی کوشش ہے۔

دوسری طرف وزیرِ اعظم عمران خان نے بھی علی رضا عابدی پر قاتلانہ حملے کی مذمت کرتے ہوئے رپورٹ طلب کر لی ہے۔

Comments

comments

یہ بھی پڑھیں