The news is by your side.

Advertisement

موسم گرما میں بالوں کی چمک برقرار رکھنے کے لیے تیل گھر پر بنائیں

موسم کی تبدیلی بالوں اور جلد پر اپنا اثر ڈالتی ہے، موسم کے بدلتے ہی جلد اور بالوں کی حفاظت میں اضافہ کرنا پڑتا ہے تاکہ یہ موسم کے ساتھ ہم آہنگ ہوسکیں۔

موسم گرما میں بال خشک اور بے رونق ہوجاتے ہیں، ساتھ ہی بالوں کو رنگنے کے لیے استعمال کیے جانے والے کیمیکل بھی بالوں کی صحت کو متاثر کرتے ہیں۔

لہٰذا بالوں کے لیے ایسے تیل کا استعمال ضروری ہے جو ان کی نشوونما میں مدد فراہم کرے، یہاں پر ایک ایسا ہی تیل بنانے کا طریقہ بیان کیا جارہا ہے جو ان تمام مسائل کو حل کرنے کی صلاحیت رکھتا ہے۔

اس تیل کو استعمال کرنے کے بعد بالوں کو اچھی دھولیں تاکہ تیل بالوں سے مکمل صاف ہو جائے۔

تیل کو بنانے کے لیے ایک کھانے کا چمچ زیتون کا تیل، ایک کھانے کا ناریل کا تیل، ایک کھانے کا چمچ شہد اور ایک چائے کا چمچ ایپسن نمک یا میگنیشیئم فلیکس لیں۔

ان تمام اجزا کو اچھی ملائیں، ناریل کے تیل کو تھوڑا سا گرم کر کے اس میں ایپسن نمک یا میگنیشیئم فلیکس شامل کر کے حل کرلیں۔

اس تیل کو بالوں میں اچھی طرح لگائیں اور جڑوں میں مساج کریں، تیس منٹ تک لگا رہنے دیں پھر شیمپو سے دھولیں۔

یہ تیل بالوں کی رونق اور نشونما میں اضافہ کرے گا اور انہیں نرم ملائم اور چمکدار بھی بنائے گا۔

Comments

یہ بھی پڑھیں