کراچی : ہنڈا موٹرز نے پاکستان میں ہائبر ڈالیکٹرک وہیکل ماڈلز متعارف کرنے کا اعلان کردیا ، جس سے کمپنی کے حصص کی قیمت 316 روپے 2 پیسے ہوگئی۔
تفصیلات کے مطابق ہنڈا اٹلس کار لمیٹڈ پاکستان میں ہائبرڈ الیکٹرک وہیکل ماڈلز متعارف کرانے کی منصوبہ بندی کر رہی ہے۔
پاکستان اسٹاک ایکسچینج میں ہنڈا موٹرز کمپنی کے اعلامیہ میں کمپنی نے لانچ کی کوئی مخصوص ٹائم لائن جاری نہیں کی۔
کمپنی کا کہنا ہے جلد پاکستان میں ای وی ماڈلز تیار کی جائے گی، ایچ ای وی ماڈلز کا تعارف ہمارے پروڈکٹ پورٹ فولیو میں ایک اہم قدم ثابت ہوگا۔
پاکستان میں ماحول دوست گاڑیوں کی بڑھتی ہوئی طلب کو تقویت دے گا، اعلان کے بعد کمپنی کے حصص کی قیمت چوبیس روپے چوبیس پیسے اضافے کے ساتھ تین سو سولہ روپے دو پیسے کا ہوگئی۔
