site
stats
عالمی خبریں

ہانگ کانگ کی آزادی کی 20ویں سالگرہ، پہلی خاتون چیف ایگزیکیٹو نےعہدے کا حلف اٹھالیا

وکٹوریہ : ہانگ کانگ کی آزادی کی بیسویں سالگرہ پر پہلی خاتون چیف ایگزیکٹیو کیری لام نے اپنے عہدے کاحلف اٹھالیا۔

ہانگ کانگ کی پہلی خاتون چیف ایگزیکٹیو کیری لام نے آزادی کی بیسویں سالگرہ پر اپنے عہدے کا حلف اٹھالیا، چینی صدر شی جن پنگ نے ان سے عہدے کاحلف لیا۔

اس موقع پر چین اور ہانگ کانگ اسپیشل ایڈمنسٹریشن ریجن کے پرچم بلند کرنے کی تقریب ہوئی، قومی نغموں کی دھنوں پر چینی صدر اور کیری لام نے بھی قومی نغمہ گا کر حاضرین کا ساتھ دیا۔

اس سے قبل چینی صدر اور ان کی اہلیہ کا ہانگ کانگ آمد پر شاندار استقبال کیا گیا جبکہ فوجی دستے اور بینڈ نے ان کو سلامی بھی دی، فوجی گاڑی میں سوار ہو کر چینی صدر نے گارڈ آف آنر کا معائنہ بھی کیا اور فوجی دستے کے سامنے نعرے بھی لگائے۔

غیر ملکی میڈیا کے مطابق یہ 20 سال میں ہانگ کانگ کی فوج کا طاقت کا سب سے بڑا مظاہرہ تھا۔

خیال رہے کہ برطانیہ نے  1997 میں ہانگ کانگ کو واپس چین کے حوالے کیا تھا اور تب سے وہاں ’ایک ملک، دو نظاموں‘ کے تحت ریاستی انتظامات چلائے جا رہے ہیں۔ تاہم ہانگ کانگ کی نئی نسل ایک تبدیلی کی خواہاں ہے اور وہ چین کے تسلط سے آزادی چاہتی ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top