The news is by your side.

Advertisement

راولپنڈی، غیرت کے نام پر بیٹی اور آشنا قتل، ملزم فرار

راولپنڈی: تھانہ ایئرپورٹ کی حدود میں واقع افضل ٹاؤن کے علاقے میں سنگ دل باپ غیرت کے نام پر بیٹی اور اُس کے آشنا کو فائِرنگ کر کے قتل کیا اور جائے وقوعہ سے فرار ہوگیا۔

تفصیلات کے مطابق راولپنڈی تھانہ ائیرپورٹ کی حدود میں واقع افضل ٹاؤن میں ایک شخص نے غیرت کے نام پر اپنی بیٹی کائنات اور اُس کے عاشق کو فائرنگ کر کے قتل کردیا۔

پڑھیں: بلوچستان میں مبینہ طور پرغیرت کے نام پر5افراد قتل

واقعے کی اطلاع موصول ہوتے ہیں تھانہ ائیرپورٹ پولیس کی نفری جائے وقوعہ پہنچی اور تفتیش شروع کی، پولیس کے مطابق مقتول رمضان اور کائنات کو فائرنگ کر کے قتل کیا گیا ہے جبکہ فائرنگ کے بعد ملزم جائے وقوعہ سے فرار ہوگیا۔

مزید پڑھیں: کندھ کوٹ میں باپ نےغیرت کے نام پر بیٹی اور پیش امام قتل کردیا

پولیس کی ابتدائی تفتیش سے یہ بات سامنے آئی کہ فائرنگ کا نشانہ بننے والے دونوں افراد کے درمیان معشقانہ تھا، جس کی بنا پر والد نے اپنی بیٹی کائنات اور نوجوان کو فائرنگ کر کے قتل کیا۔

یہ بھی پڑھیں:  غیرت کے نام پر قتل گناہ کبیرہ قرار،چالیس علما کا اجتماعی فتویٰ جاری

مقتولین کی لاشوں کو قریبی اسپتال منتقل کردیا گیا ہے جہاں پوسٹ مارٹم کے بعد اُن کی لاشیں ورثاء کے حوالے کی جائیں گی، اسپتال انتظامیہ نے دونوں کے جاں بحق ہونے کی تصدیق کرتے ہوئے کہا کہ ’’لڑکے اور لڑکی کو قریب سے فائرنگ کر کے نشانہ بنایا گیا ہے، اسپتال منتقلی سے قبل دونوں مقتولین زخموں کی تاب نہ لاتے ہوئے جاں بحق ہوگئے‘‘۔

Comments

comments

یہ بھی پڑھیں