وزیراعظم کی تقریر بہت حوصلہ افزا تھی: سابق وزیرخزانہ سلمان شاہ: Imran khan
The news is by your side.

Advertisement

وزیراعظم کی تقریر بہت حوصلہ افزا تھی: سابق وزیرخزانہ سلمان شاہ

اسلام آباد: سابق وزیر خزانہ سلمان شاہ نے کہا ہے کہ وزیر اعظم عمران خان کی تقریر بہت حوصلہ افزا تھی، ستر سال میں کبھی اس طرح کا ایجنڈا نہیں دیا گیا۔

تفصیلات کے مطابق نومنتخب وزیر اعظم عمران خان کی قوم سے پہلی تقریر پر تبصرہ کرتے ہوئے سلمان شاہ کا کہنا تھا کہ وزیراعظم نے بہت اچھے طریقے سے نئے پاکستان کا ماڈل پیش کیا۔

انہوں نے کہا کہ یہ قوم کو موبائلائز کرنے کا بہت کامیاب طریقہ ہے، وزیراعظم کی تقریر سے حوصلہ افضائی ہوئی ہے، قوم کو امیدیں ہیں۔

سلمان شاہ کا کہنا تھا کہ ٹیکس میں سختی نہیں کرنی بلکہ اسے آسان بنانا چاہیے، تاکہ تمام لوگ ٹیکس دیں، ٹیکس کا سسٹم آسان بنانے سے مثبت نتائج سامنے آئیں گے۔

منی لانڈرنگ سے باہر گیا پیسہ واپس لانے کیلیے ٹاسک فورس بنائیں گے، عمران خان

ان کا کہنا تھا کہ اداروں کو کرپشن سے خالی کریں تو بات بنے گی، عوام کا پیسہ عوام پر خرچ ہونا بہت بڑا اقدام ہوگا، دنیا میں ہماری ایگریکلچر سب سے کم ہے۔

واضح رہے کہ آج قوم سے اپنے پہلے خطاب میں وزیرِ اعظم عمران خان نے معیشت اور سیاحت کے شعبوں کی بہتری کے لیے واضح اور بڑے اقدامات کرنے کا اعلان کیا ہے۔

قوم سے خطاب میں انھوں نے کہا کہ ایکسپورٹ انڈسٹری کی بھرپور مدد کریں گے، سرمایہ کاروں کے لیے وَن ونڈو آپریشن شروع کرنے اور سرمایہ کاری میں اضافے کے لیے ان کی تمام مشکلات کو دور کریں گے، جب تک اقتدار میں ہوں کوئی کاروبار نہیں کروں گا، منی لانڈرنگ سے باہر گیا پیسہ واپس لانے کیلیے ٹاسک فورس بنائیں گے۔

Comments

comments

یہ بھی پڑھیں