آج کل لوگ اپنی شادیوں میں مختلف انداز سے تصاویر کھنچوا کر اسے ہمیشہ کے لیے یادگار بنانے کی کوشش کرتے ہیں۔ ایسا ہی ایک امریکی دلہن کے ساتھ ہوا جس نے گھوڑوں کے ساتھ تصویر کھنچوانی چاہی تاہم ایک گھوڑے نے تصویر کو کچھ زیادہ ہی یادگار بنا دیا۔
وومر نامی یہ امریکی دلہن اپنے مرحوم والد کے گھوڑوں کے ساتھ تصاویر کھنچوانا چاہتی تھی۔ اس کا خیال تھا کہ اس طرح سے وہ اپنے والد کی روح کو خوش کردے گی جو اپنے گھوڑوں سے بے حد محبت کرتے تھے۔
تاہم گھوڑے کے ساتھ تصویر کھنچواتے ہوئے نہ جانے کیوں گھوڑا دلہن سے زیادہ خوشی سے نہال ہو کر ہنس پڑا جس نے اس تصویر کو نہایت مضحکہ خیز بنا دیا۔
تصویر کھینچنے والے فوٹو گرافر کا کہنا ہے کہ جب وہ تصویر کھینچ رہا تھا تو اس کی آنکھیں گھوڑے کی آنکھوں سے ملیں۔ اس نے شاید کیمرے میں دلہن کا مسکراتا ہوا عکس دیکھا اور نتیجتاً وہ بھی دلہن کی طرح دانت نکال کر مسکرا اٹھا۔
وومر کا کہنا ہے کہ جب اگلے دن اس نے یہ تصویر دیکھی تو یہ اس کے لیے نہایت غیر متوقع تاہم بہت مزاحیہ تھی۔ ’میں اس تصویر کو دیکھ کر بہت ہنسی‘۔
اس تصویر کے علاوہ بقیہ تمام تصاویر بے حد خوبصورت آئیں جن میں وومر اپنے شوہر اور مرحوم والد کے محبوب گھوڑوں کے ساتھ مختلف انداز اپنائے ہوئے ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
