کویت : رواں سال 2021 میں دنیا میں سب سے زیادہ درجہ حرارت ریاست کویت میں ریکارڈ کیا گیا ہے جس کے بعد اسے دنیا کی گرم ترین ریاست قرار دیا گیا ہے۔
غیر ملکی خبر رساں ادارے کی رپورٹ کے مطابق کویت کے علاقے نویصیب میں درجہ حرارت53.2 ڈگری سینٹی گریڈ ریکارڈ کیا گیا جو دنیا بھر میں گرم ترین درجہ حرارت ہے۔ امریکی موسمیات کے محکمے ایلڈورڈو (جو درجہ حرارت کے اعداد و شمار جمع کرتا ہے) کے مطابق کویت میں رواں سال کے دوران دنیا کا سب سے زیادہ درجہ حرارت ریکارڈ کیا گیا۔
کویتی شہر نویصیب میں 53.2 ڈگری سینٹی گریڈ ریکارڈ کیا گیا جو اس سال اب تک کا دنیا کا سب سے زیادہ درجہ حرارت ہے۔ دریں اثنا ایران میں اہواس اور الامیدیہ میں 50.1 ڈگری سینٹی گریڈ ریکارڈ کیا گیا جبکہ کویت کے علاقے الجھرا میں 49.7 ڈگری سینٹی گریڈ ریکارڈ کیا گیا۔
میڈیا رپورٹس کے مطابق ایک ماہ سے بھی کم عرصے میں یہ دوسرا موقع ہے جب اعلیٰ سرکاری درجہ حرارت کے لحاظ سے کویت دنیا کے شہروں میں سرفہرست ہے۔5جون کو کویت اور قطری شہر دوحہ دنیا بھر کے 143 دارالحکومتوں کی فہرست میں سرفہرست رہے اور سب سے زیادہ درجہ حرارت ریکارڈ کیا گیا۔
ناروے کے وقت اور تاریخ کی ویب سائٹ جو آب و ہوا اور موسم کی ماہر ویب سائٹ ہے کے مطابق کویت اور دوحہ میں 48 ڈگری سینٹی گریڈ ریکارڈ کیا گیا۔
