پاکستان نے سعودی عرب پرحوثی باغیوں کےڈرون حملوں کی شدید مذمت کرتے ہوئے سعودی سلامتی کو درپیش خطرے کے خلاف مکمل حمایت کے عزم کا اعادہ کیا ہے۔
ترجمان دفتر خارجہ کی جانب سے جاری بیان میں کہا گیا ہے کہ حوثی باغیوں نے 11 اور 13 جون کو سعودی علاقے اسیر کی جانب ڈرون حملے کیے ایسےحملےعلاقائی خودمختاری اور معصوم لوگوں کی جان خطرےمیں ڈالتےہیں جس کی شدید مذمت کرتے ہیں۔
پاکستان نے سعودی عرب کی علاقائی خودمختاری کی مکمل حمایت کے عزم کا اعادہ کرتے ہوئے واضح کیا ہے کہ سعودی عرب کی سلامتی کو درپیش خطرے کے خلاف مکمل حمایت جاری رکھیں گے۔
We strongly condemn recent drone attacks launched by Houthis towards the Asir Region, Kingdom of Saudi Arabia, call for immediate cessation of such attacks & reaffirm full support & solidarity with brotherly KSA against threats to its security & territorial integrity.@KSAmofaEN
— Ministry of Foreign Affairs – Pakistan (@ForeignOfficePk) June 14, 2021
دوسری جانب سعودی ایئرفورس نے خمیس مشیط کو نشانہ بنانے کی حوثی باغیوں کی کوشش کو ناکام بنا دیا۔
اتحادی فوج کے مطابق حوثی باغیوں کے بارودی ڈرون کو مار گرایا ہے، خمیس مشیط کی جانب بھیجا گیا بارودی ڈرن ریڈار پر نظر آتے ہی جوابی کارروائی کرکے اسے تباہ کر دیا گیا۔
