اتوار, فروری 16, 2025
اشتہار

خواتین اپنی عمر میں کیسے اضافہ کر سکتی ہیں؟

اشتہار

حیرت انگیز

بڑھتی عمر کے ساتھ ساتھ ہر کسی کو اپنی عمر کے حوالے سے فکر لاحق ہوجاتی ہے، مگر اس بات سے انکار نہیں کیا جاسکتا کہ اچھی فٹنس آپ کی عمر کو بڑھانے میں اہم کردار ادا کرتی ہے۔

ایک رپورٹ کے مطابق 60 سال کی عمر سے مستحکم وزن برقرار رکھنے سے خواتین کی عمر 90، 95 یا اس سے بھی زیادہ عرصے تک پہنچنے کے امکانات بڑھ سکتے ہیں۔

زیادہ مستحکم وزن والی ضعیف خواتین ان خواتین کے مقابلے میں 1.2 سے 2 گنا زیادہ طویل عمر زندہ رہتی ہیں جو برھتے وزن پر قابو کرنے میں ناکام رہتی ہیں۔اس لئے عمر کو بڑھانے کے لئے وزن کو مستحکم رکھنا انتہائی ضروری ہے۔

ایسوسی ایٹ پروفیسر علاؤ الدین شاداب جن کا تعلق یونیورسٹی آف کیلیفورنیا، سان ڈیاگو میں ہربرٹ ورتھیم سکول آف پبلک ہیلتھ اینڈ ہیومن لانگیویٹی سائنس سے ہے، اُن کا کہنا ہے کہ مطالعے کیلئے امریکا میں 25 سے 35 کے باڈی ماس انڈیکس رینج کے ساتھ بڑی عمر کی خواتین میں وزن یا موٹاپے کا تجربہ کرنا آسان تھا۔

ایسوسی ایٹ پروفیسر علاؤ الدین شاداب نے کہا کہ ہماری تحقیق بڑی عمر کی خواتین میں لمبی عمر سے منسلک مستحکم وزن کی حمایت کرتی ہے۔

تاہم انہوں نے اس چیز کی بھی نشاندہی کی کہ اگر ڈھلتی عمر کی خواتین اپنے وزن میں بغیر کسی وجہ کے کمی محسوس کررہی ہوں تو یہ خراب صحت کی ایک انتباہی علامت اور لمبی عمر میں کمی کا پیش خیمہ ہو سکتی ہے۔اس لئے ایسی صورت میں معالج سے رابطہ ضروری ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں