اسلام آباد: بانی پی ٹی آئی کی اہلیہ بشریٰ بی بی کی اسلام آباد سے علی امین گنڈا پور کی گاڑی میں جانے کی ویڈیو سامنے آگئی۔
تفصیلات کے مطابق وزیراعلیٰ خیبرپختونخوا علی امین گنڈا پور اور بشریٰ بی بی کی اسلام آباد سے فرار ہونے کی ویڈیو سامنے آگئی۔
ذرائع نے بتایا کہ وزیراعلیٰ خیبرپختونخوا علی امین گنڈا پوراور بانی پی ٹی آئی کی اہلیہ گزشتہ رات اسلام آباد میں ہی موجود تھے، دونوں صبح چھ بجے پیر سوہاوہ کے راستے ہری پور پہنچے تھے، جہاں سے آگے خیبرپختونخوا کی حدود میں کے پی پولیس کی نفری موجود تھی۔
ذرائع کا کہنا تھا کہ علی امین اور بانی پی ٹی آئی کی اہلیہ ہری پور پہنچنے کے بعد مانسہرہ روانہ ہوئے، بلیو ایریا سے نکلنے کے بعد انھوں نے اسلام آباد میں گاڑی بھی تبدیل کی تھی ۔
بانی پی ٹی آئی کی اہلیہ کو فوٹیج میں ایک گاڑی سے نکل کر سفید کار میں بیٹھتے دیکھا جاسکتاہے، ان کی گاڑی کے ساتھ دو سفید رنگ کی ڈبل کیبن گاڑیاں بھی موجود تھیں۔
