ڈچز آف سسیکس میگھن مارکل کی پہلے شوہر ٹریور اینگلسن سے طلاق کے بارے میں اہم حقائق سے پردہ ہٹ گیا ہے۔
بین الاقوامی خبر رساں ادارے کی رپورٹ میں بتایا گیا ہے کہ میگھن مارکل کی پہلی شادی صرف دو سال کے عرصے تک قائم رہ سکی تھی، جس وقت طلاق ہوئی اس وقت میگھن مارکل ٹورنٹو میں اپنی سیریز ’سوٹ‘ کی شوٹنگ میں مصروف تھیں۔
شاہی مبصر اینڈریو مورٹن نے اپنی کتاب میں انکشاف کرتے ہوئے کہا کہ میگھن کی طلاق کا ٹریور اینگلسن پر کافی گہرا اثر پڑا تھا۔
انہوں نے بتایا کہ اس شادی کا خاتمہ اتنا اچانک ہوا کہ میگھن مارکل نے اپنی منگنی کی انگوٹھی اور شادی کی انگوٹھیاں رجسٹرڈ میل کے ذریعے ٹریور کو بھیج دی تھیں۔
انہوں نے انکشاف کیا کہ اس شادی کو ختم کرنے کا فیصلہ میگھن مارکل نے خود کیا تھا، جس سے سب حیرانی میں مبتلا ہو گئے تھے۔
میگھن مارکل کی پہلی شادی ختم ہونے کے 3 سال بعد لندن میں شہزادہ ہیری سے ان کی ملاقات ہوئی اور پھر 2017 اس جوڑی کی منگنی کا اعلان سامنے آیا۔
بعد ازاں، 2018 میں شہزادہ ہیری اور میگھن مارکل برطانیہ میں شادی کے بندھن میں بندھ گئے۔
