ویمن ٹی ٹوئنٹی ورلڈ کپ میں پاکستان کی اوپنر منیبہ علی نے سنچری اسکور کر کے تاریخ رقم کردی اور آئرلینڈ کو 70 رنز سے شکست دے کر قومی ٹیم کی سیمی فائنل تک رسائی حاصل کرنے کی امید روشن ہوگئی ہے۔
پاکستان کی خواتین کرکٹ کی تاریخ میں منیبہ علی ورلڈ کپ اور ٹی ٹوئنٹی انٹرنیشنل میں سنچری بنانے والی پہلی بلے باز خاتون کرکٹر بن گئیں ہیں۔
منیبہ علی دنیا میں چھٹی خاتون ہیں جنھیں یہ اعزاز حاصل ہوا ہے۔
Celebrating Muneeba Ali's incredible achievement 🎂😊
The first centurion for 🇵🇰 Women in T20Is 🥇#T20WorldCup | #BackOurGirls pic.twitter.com/iWYrSBAET8— Pakistan Cricket (@TheRealPCB) February 16, 2023
سنچری میکر منیبہ علی کا بیان سامنے آ گیا
پاکستان کرکٹ بورڈ(پی سی بی) نے ایک ویڈیو جاری کی ہے، جس میں دیکھا جاسکتا ہے کہ منیبہ علی نے اپنی اس تاریحی سنچری کو کس طرح یادگار بنایا۔
ویڈیو میں دیکھا جاسکتا ہے کہ قومی وومینز ٹیم نے منیبہ علی کی سنچری اور آئرلینڈ کے خلاف فتح کو کیک کاٹ کر سیلبریٹ کیا۔
تاریخی سنچری کو یادگار بنانے کے لیے منیبہ علی نے کیک کھایا، سب کو کھلایا، جبکہ تمام ویمن کھلاڑیوں نے خوشگوار موڈ میں ایک دوسرے کو گلے بھی لگایا۔
