site
stats
سائنس اور ٹیکنالوجی

سولرپینل سے بجلی کس طرح بنتی ہے؟

پاکستان جیسے نسبتاً گرم ممالک میں سولر پینل بجلی کا بہترین ذریعہ ثابت ہورہے ہیں لیکن کیا آپ جانتے ہیں کہ یہ سولر پینل کام کس طرح کرتے ہیں اور ان سے بننے والی بجلی کیوں ماحول دوست ہے اورسستی ہے۔

سولر پینل چھوٹے چھوٹے سولر سیلز پر مشتمل ہوتے ہیں جو سیلیکون سے بنائے جاتے ہیں ‘ سیلیکون ایک سیمی کنڈکٹر یعنی نیم موصل ہے جس کی زمین پر بہتات ہے ۔سولر سیلز میں سلیکون کی قلموں کو دو کنڈکٹرز یعنی موصل پلیٹوں کے درمیان رکھا جاتا ہے ۔

سلیکون کا ہر ایٹم اپنے چار ہمسایہ ایٹموں سے مضبوط بانڈز کے ساتھ جڑا ہوتا ہے ۔ یہ بانڈز الیکٹرانز کو ایک جگہ جکڑے رکھتے ہیں جس کی وجہ سے سیلیکوں میں بجلی کا کرنٹ نہیں بن پاتا ۔ سولر سیل سیلیکون کی دو تہیں استعمال کرتا ہے N یعنی نیگیٹیو یا منفی قسم کی تہہ میں الکٹرانز کی زیادتی ہوتی ہے اور P یعنی پازیٹیو یا مثبت قسم کہ تہہ میں الیکٹرانز کی کمی ہوتی ہے اور الیکٹرانز کی چھوڑی ہوئی خالی جگہیں موجود ہوتی ہیں جنہیں سوراخ یا holes کہا جاسکتا ہے جہاں یہ دو تہیں ملتی ہیں وہاں الیکٹران اس پی اور این کے جوڑ یا جنکشن میں سے گذر سکتے ہیں جس وجہ سے ایک تہہ پر مثبت اور دوسری تہہ پر منفی چارج پیدا ہوجاتا ہے ۔


 دنیا کی پہلی سولر ہائی وے کا افتتاح


ہم روشنی کو بہت چھوٹے ذروں کی بوچھاڑ سمجھ سکتے ہیں جو سورج سے خارج ہورہے ہیں۔ ان ذروں کو فوٹونز کہا جاتا ہے جب مناسب توانائی کا ایک فوٹون اس سلیکون سے ٹکراتا ہے تو یہ ایک الیکٹران کو اپنے بانڈ سے نکال باہر کرتا ہے اور وہاں ایک سوراخ یعنی ہول رہ جاتا ہے یہ الیکٹران جو منفی چارج رکھتا ہے اور سوراخ جو مثبت چارج رکھتا ہے دونوں آزادی سے سیلیکون میں گھوم پھر سکتے ہیں لیکن پی- این جنکشن پر موجود چارج کی وجہ سے یہ صرف ایک ہی سمت میں سفر کرپاتے ہیں ۔

الیکٹران اپنے منفی چارج کی وجہ سے مثبتP کی جانب کھنچا چلا جاتا ہے اور ہول اپنے مثبت چارج کی وجہ سے منفی N کی جانب جاتا ہے ۔یہ آزاد الیکٹرانز سیل کے اوپر موجود دھات کی بنی ہوئی پتلی پتلی ‘انگلیوں’ میں سے گذرتے ہوئے بیرونی سرکٹ کی طرف بجلی کی کرنٹ کی صورت میں بہنے لگتے ہیں اس کرنٹ سے ہر وہ کام لیا جاسکتا ہے جو عام بجلی سے لیا جاتا ہے مثلاً بلب روشن کرنا ۔

یہ الیکٹرانز اس سرکٹ سے گذر کر سولر سیل پر ایلومینیم کی بنی موصل سطح پر واپس آجاتے ہیں ہر سولر سیل صرف آدھا وولٹ کا پوٹینشل تخلیق کرتا ہے تاہم بہت سے سولر سیلز کو ایل لڑی میں لگا کر ہم اس وولٹیج کو بڑھا سکتے ہیں۔ بارہ سولر سیل مل کر ایک ماڈیول بناتے ہیں جو ایک سیل فون کو چارج کرنے کے لیے کافی ہوتے ہیں ۔

ایک گھر کی توانائی کی ضرورت پوری کرنے کے لیے ایسے بہت سے ماڈیولز کو اکٹھا نصب کیا جاتا ہے۔ سولر سیل میں صرف ایک چیز حرکت کرتی ہے اور وہ ہیں الیکٹرانز جو اپنا کام کرنے کے بعد اسی سیل میں لوٹ جاتے ہیں جہاں سے یہ خارج ہوئے تھے۔ اس میں کوئی ایسی چیز نہیں جو وقت کے ساتھ ختم ہوجائے یا بوسیدہ ہوجائے لہذاسولر سیلز بیسیوں سال تک کام کرسکتے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top