اسلام آباد : سابق سینیٹر فیصل واوڈا کا کہنا ہے کہ چیئرمین پی ٹی آئی سال سے پہلے جیل سے باہرنکلتے ہوئے نظرنہیں آرہے۔
تفصیلات کے مطابق سابق سینیٹر فیصل واوڈا نے اے آر وائی نیوز کے پروگرام خبر میں مہر بخاری کے ساتھ گفتگو کرتے ہوئے چیئرمین پی ٹی آئی کے حوالے سے کہا کہ چیئرمین پی ٹی آئی سال سے پہلے جیل سے باہرنکلتے ہوئے نظرنہیں آرہے۔
فیصل واوڈا کا کہنا تھا کہ کچھ وعدہ معاف گواہ بن جائیں گے اور کچھ دونوں طرف کھیل رہے ہیں لیکن سب اندرجائیں گے۔
ملک کے موجودہ حالات کے حوالے سے انھوں نے کہا کہ بزنس مینوں نے 1400 ارب کے بجائے 600 ارب ٹیکس بھرا ہے، پاکستان میں مافیا چل سکتا ہے مافیا کو ختم کرنے والانہیں چل سکتا۔
سابق سینیٹر نے کہا کہ 62 روپے فی یونٹ بجلی کیساتھ کیسےکاروبارہوسکتاہے، بوسیدہ نظام کو لے کر چلنا ہے تو اس کوپھراسی جگہ روک دیناچاہیے۔
صدر مملکت سے متعلق سوال پر فیصل واوڈا نے بتایا کہ عارف علوی صدررہیں گے، اب ان پر انحصار ہے سیاسی شہید بننا چاہتے ہیں یا نہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں