The news is by your side.

Advertisement

مقبوضہ کشمیر پر انسانی حقوق کی تنظیمیں آخر کب تک خاموش رہیں گے، وزیرخارجہ

اسلام آباد: وزیر خارجہ شاہ محمود قریشی نے کہا ہے کہ مقبوضہ کشمیر پر انسانی حقوق کی تنظیمیں آخر کب تک خاموش رہیں گے۔

تفصیلات کے مطابق وزیر خارجہ شاہ محمودقریشی نے اے آروائی نیوز سے خصوصی گفتگو کرتے ہوئے کہا کہ آج مقبوضہ کشمیر میں ظلم و بربریت کی انتہا کردی گئی، 3 سالہ معصوم فرشتے کے سامنے نانا کو گولیوں سے بھون ڈالاگیا۔

شاہ محمود قریشی کا کہنا تھا کہ بھارت میں کشمیرمیں ماورائے عدالت قتل کر رہا ہے، آج یورپی یونین کو تمام صورتحال سے آگاہ کیا،یورپی یونین کو اس صورت حال کا نوٹس لینا چاہیے۔

وزیر خارجہ نے کہا کہ پاکستان نے ہر فورم پر مقبوضہ کشمیر میں ہونے والےظلم کو اٹھایا،پاکستان اس واقعے کو بھی ہر فارم پر اٹھائے گا۔انہوں نے کہا کہ یہ واقعہ ماورائے عدالت قتل کے زمرے میں آتا ہے۔

مقبوضہ کشمیرمیں ظلم کی انتہا، 3سالہ نواسے کے سامنے نانا کی شہادت

شاہ محمود قریشی کا کہنا تھا کہ بھارت مقبوضہ کشمیر میں مظالم کو چھپانے کی کوشش کرتا ہے،بھارت نے کشمیر میں انٹرنیٹ بند کیا ہوا ہے، بین الاقوامی میڈیا کومقبوضہ کشمیر میں جانے کی اجازت نہیں۔

انہوں نے کہا کہ انسانی حقوق کی تنظیمیں آخر کب تک خاموش رہیں گے،انسانی حقوق کی تنظیموں کو اس واقعے پر آواز اٹھانا ہوگی، کشمیریوں کے لیے آواز اٹھانا انسانی تقاضہ ہے۔

fb-share-icon0
Tweet 20

Comments

comments

یہ بھی پڑھیں