سعودی عرب میں سڑکوں کا جال بچھا ہوا ہے لیکن کیا آپ کو معلوم ہے کہ مملکت کی کتنی شاہراہیں عالمی معیار کے مطابق ہیں۔

اس حوالے سے سعودی عرب میں ایک سروے کیا گیا جس کی رپورٹ سعودی عرب میں روڈ جنرل اتھارٹی نے معروف تنظیم آئی آر اے پی کے گراف کے تناظر میں جاری کر دی ہے۔

غیر ملکی خبر رساں ادارے کے مطابق روڈ جنرل اتھارٹی نے کہا ہے کہ سعودی عرب کی 77 فیصد شاہراہیں بین الاقوامی معیار کے عین مطابق ہیں جب کہ اتھارٹی 2030 تک سعودی عرب کی تمام شاہراہوں کو 100 فیصد بین الاقوامی معیار پر لانے کی مہم چلا رہا ہے اور ہدف کے حصول کے لیے پر امید ہے۔

رپورٹ میں بتایا گیا ہے کہ روڈ جنرل اتھارٹی اس حوالے سے متعدد اقدامات کررہی ہے جن سے حادثات اور اموات کی شرح میں کمی واقع ہو رہی ہے اور سڑکوں کا معیار مستحکم ہو رہا ہے۔

Comments