اسلام آباد: وفاقی کابینہ نے حج پالیسی دو ہزار تئیس کی منظوری دے دی ہے۔
ذرائع کے مطابق وزیراعظم شہباز شریف کی زیر صدارت وفاقی کابینہ کا اجلاس ہوا، جس میں کئی اہم امور زیر غور آئے ان میں حج پالیسی 2023 کا ایجنڈہ بھی شامل تھا۔
ذرائع کے مطابق وفاقی کابینہ نے مشاورت کے بعد حج پالیسی سال دوہزار تئیس کی منظوری دے دی ہے، شمالی پاکستان کے لئے حج اخراجات 11 لاکھ 75 ہزار روپے ہونگے جبکہ جنوبی پاکستان کے عازمین حج کے لئے حج اخراجات 11 لاکھ 65 ہزار روپے ہونگے۔
یہ بھی پڑھیں: ای سی سی نے "حج پالیسی 2023” کی منظوری دے دی
ذرائع کے مطابق وفاقی کابینہ کو آگاہ کیا گیا کہ رواں سال ایک لاکھ 79 ہزار دو سو دس عازمین سعودی عرب جائیں گے،سرکاری اور نجی ٹور آپریٹرز کو 50،50فیصد کوٹہ دیا جائےگا۔
واضح رہے کہ دو روز قبل اقتصادی رابطہ کمیٹی نے عازمین حج کےلیے 9 کروڑ ڈالر جاری کرنے کی منظوری دی تھی۔
