The news is by your side.

Advertisement

چاندی کے سیاہ پڑ جانے والے زیورات کو گھر میں صاف کرنا نہایت آسان

سونے اور چاندی کے زیورات کا استعمال اب تو خاصا کم ہوگیا ہے جس کی وجہ یہ ہے کہ اب ہر فیشن کے مطابق مصنوعی زیورات مارکیٹ میں دستیاب ہیں، لیکن اب بھی اکثر لوگ سونے چاندی کے زیورات پہننا پسند کرتے ہیں۔

چاندی کے زیورات رکھے رکھے سیاہ پڑ جاتے ہیں اور ان کی چمک بھی مدہم ہو جاتی ہے تاہم انہیں گھر میں نہایت آسانی سے صاف کیا جاسکتا ہے۔

اس کے لیے نمک، بیکنگ سوڈا، ٹن ورق، زیتون کا تیل، لیموں کا رس اور سفید سرکہ لیں۔

ایک طریقہ یہ ہے کہ ایک گلاس نیم گرم پانی میں 2 چمچ نمک اور بیکنگ سوڈا ملائیں، کچھ دیر بعد اس میں 5 منٹ کے لیے اپنی چاندی کی جیولری ڈال کر نکال لیں، آپ کی جیولری چمک دار ہوجائے گی۔

دوسرے طریقے میں آدھے کپ پانی میں لیموں کا رس اور 1 چمچ زیتون کا تیل ملائیں، اب اس کو ایک برتن میں ڈال دیں، ایک کپڑے کو اس پانی میں بھگو کر نچوڑ لیں اور اس کو چاندی کی جیولری کے اوپر پھیریں، اس طرح سے یہ بالکل نئی جیسی نظر آنے لگے گی۔

ایک برتن میں آدھا کپ سفید سرکہ اور 2 چمچے بیکنگ سوڈا ڈال کر چاندی کی جیولری کو 2 سے 3 گھنٹے تک اس میں چھوڑ دیں، زیورات بالکل صاف ستھرے اور چمکدار ہوجائیں گے۔

Comments

یہ بھی پڑھیں