ملک کے بیشتر حصوں میں موسم سرما شروع ہوچکا ہے اور گرم کپڑوں کا استعمال شروع کیا جاچکا ہے، مستقل استعمال سے سوئیٹر پر رواں نکل آتا ہے جو سوئیٹر کی ظاہری شکل ماند کردیتا ہے۔
صرف روواں نکلنے پر سوئیٹر پھینک دینا فضول خرچی ہے، ذرا سی کوشش سے آپ ایسے سوئیٹر کو پھر سے نیا بنا سکتے ہیں، اس کے لیے یہ طریقے آزمائیں۔
پہلا طریقہ
روئیں والا سوئیٹر لیں اور اس کو سیدھا کرکے چاروں طرف سے کھینچ لیں تاکہ کپڑے میں شکنیں نہ آئی، اب ایک الیکٹرک شیونگ مشین لیں اور اسے ہلکے ہاتھ سے روؤں کی سمت کی جانب استعمال کریں۔
دوسرا طریقہ
سوئیٹر کو اسی طرح پھیلا کر رکھیں، اب ایک ریزر لیں اور اسے سوئیٹر میں لگے روؤں کی مختلف سمتوں میں آہستگی کے ساتھ ٹھہرا کر استعمال کریں۔
ریزر کو آہستگی کے ساتھ مزید ٹیڑھا کرتے ہوئے سوئیٹر کے دھاگوں کو کاٹیں تاکہ جتنا زیادہ ممکن ہو سکے رواں صاف ہو جائے۔
تیسرا طریقہ
ایک کاٹن ٹیپ لیں اور اس کے کچھ حصے کو قینچی کی مدد سے کاٹ لیں۔
اس کے چپکنے والے حصے کو سوئیٹر کی سمت میں کر کے لگائیں اور اپنی انگلیوں کی مدد سے اسے مزید دبائیں، اسے کپڑے کے مختلف سمتوں کی جانب سے نکالیں اور یہی عمل بار بار کریں جب تک کہ سارا رواں ختم نہ ہوجائے۔
