تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

دبئی میں ڈرائیونگ لائسنس حاصل کرنے کے لیے یہ ہدایات یاد رکھیں

ابو ظہبی: متحدہ عرب امارات کی ریاست دبئی کے ٹریفک حکام نے کہا ہے کہ دبئی میں ڈرائیونگ کا ٹیسٹ دینے والے اکثر افراد ناکام ہوجاتے ہیں لہٰذا ٹیسٹ دینے سے قبل ان ہدایات کو مدنظر رکھا جائے۔

مقامی میڈیا رپورٹ کے مطابق دبئی میں گذشتہ 2 برسوں کے دوران ڈرائیونگ لائسنس کے لیے ٹیسٹ میں مقامی و غیر مقامی شہریوں کے ناکام ہونے کے 3 اسباب سامنے آئے ہیں۔

دبئی محکمہ روڈز اینڈ ٹرانسپورٹ کا کہنا ہے کہ پچھلے 2 سالوں کے دوران ڈرائیونگ لائسنس کا امتحان دینے والے بیشتر افراد فیل ہوتے رہے ہیں۔

دبئی محکمہ ٹریفک نے ڈرائیونگ لائسنس کےامیدواروں سے کہا ہے کہ وہ ڈرائیونگ ٹیسٹ میں کامیابی کے لیے ضروری باتوں کا خیال رکھیں، سب سے پہلے پراعتماد رہیں تاہم حد سے زیادہ اعتماد کا مظاہرہ نہ کریں کیونکہ ایسے میں بڑی غلطیاں ہو جاتی ہیں۔

محکمہ ٹریفک نے کہا کہ ٹیسٹ دینے والے 3 غلطیاں کرتے رہے ہیں، پہلی غلطی یہ کہ امتحان دیتے وقت ڈرائیور کلچر کا لحاظ نہیں رکھا گیا۔ مثال کے طور پر ٹیسٹ کے وقت حفاظتی بیلٹ کا دھیان رکھنا ضروری ہوتا ہے۔ عقبی نشست کی سواریوں کے لیے بھی اس بات کا اہتمام کیا جاتا ہے۔

دوسری غلطی یہ کی گئی کہ ٹیسٹ دینے سے قبل آرام کرنا ضروری ہوتا ہے۔ اس کا فائدہ یہ ہوتا ہے کہ ٹیسٹ کے وقت امیدوار کی ساری توجہ ڈرائیونگ پر مرکوز رہتی ہے۔

ناکامی کی تیسری وجہ یہ ہے کہ ڈرائیونگ ٹریک کے درمیان آنے والی ایسی جگہوں سے ناواقفیت، جہاں گاڑی حادثے کا شکار ہو سکتی ہے۔ اس کی وجہ سے گاڑی موڑتے وقت اور ٹریک کی تبدیلی کے وقت غلطیاں ہوتی ہیں۔

یہ تین بڑے اسباب ہیں جن کی وجہ سے 2 سالوں کے دوران گاڑیوں کے ڈرائیونگ لائسنس کے امیدوار اپنا ہدف حاصل کرنے میں ناکام رہے۔

دبئی میں ٹرانسپورٹ اتھارٹی کے ماتحت ڈرائیونگ لائسنس ادارے کے انچارج احمد محبوب نے مشورہ دیا کہ جو افراد ڈرائیونگ لائسنس حاصل کرنا چاہتے ہیں وہ ٹیسٹ سے ایک دن قبل خوب اچھی طرح آرام کریں۔

گاڑی اسٹارٹ کر کے آگے بڑھانے سے قبل دروازے اچھی طرح سے چیک کرلیں کہ وہ بند ہیں یا نہیں، اپنی سیٹ کو اچھی طرح سے سیٹ کرلیں۔

گاڑی کے شیشوں کو بھی اپنے حساب سے سیٹ کیا جائے۔

حفاظتی بیلٹ باندھ لیں اور عقبی نشست پر موجود سواریوں کو بھی حفاظتی بیلٹ باندھنے کی ہدایت کریں۔ جس راستے سے چل رہے ہوں وہاں کے لیے مقرر رفتار کی پابندی کریں۔

حد سے کم رفتار سے گاڑی چلانے سے دیگر ڈرائیوروں کو مشکل پیش آسکتی ہے اور وہ خطرات سے بھی دوچار ہو سکتے ہیں۔

محکمہ ٹرانسپورٹ نے اعداد و شمار جاری کرتے ہوئے بتایا کہ سالہ 2019 کے دوران 36 فیصد امیدواروں کو ڈرائیونگ لائسنس ملے جبکہ 2020 میں ان کی شرح بڑھ کر 41 فیصد تک ہوگئی، 2021 میں ڈرائیونگ لائسنس حاصل کرنے والوں کی شرح 42 فیصد تک ریکارڈ کی گئی۔

Comments

- Advertisement -