The news is by your side.

Advertisement

ماسک کی وجہ سے چشمے پر بھاپ کی تہ سے نجات حاصل کرنے کا طریقہ

جہاں ایک طرف کرونا وبا میں احتیاط کے پیش نظر فیس ماسک پہننا ضروری ہے، وہاں اس سے ایک چھوٹی سی پریشانی چشمے پر بھاپ کی تہ بننے کی صورت میں بھی سامنے آئی ہے۔

کرونا وبا کے دوران نظر کا چشمہ لگانے والے ان دنوں حفاظتی ماسک کے استعمال کے دوران چشمے کے گلاسز پر بھاپ کی تہہ جم جانے سے پریشان ہیں، کیوں کہ بھاپ کی وجہ سے صاف نظر نہیں آتا۔

یہ مسئلہ سرد ہوا، منہ اور ناک سے نکلنے والی گرم ہوا شیشے سے ٹکرانے کی وجہ سے پیدا ہوتا ہے۔

چشمے کے گلاس پر بھاپ سے چھٹکارا حاصل کرنے کے لیے پہلے چشمے کے گلاس پانی اور صابن سے دھوئیں، پھر شیونگ کریم اندر کی طرف سے چشمے پر لگائیے اور پھر نرمی سے اسے صاف کر دیں۔

چشمے کے گلاسز پر اسپرے کے استعمال سے قبل امراض چشم کے ڈاکٹر سے ضرور مشورہ لیں۔

جب کہ اس مسئلے سے مستقل نجات کے لیے چشمے تک ہوا کی رسائی کم کرنا ضروری ہے، اس کے لیے ماسک کے اوپر موجود ناک کے ابھار کو اچھی طرح سے بند کر دیں۔

ماسک کے بالائی کونے پر اسپیشل پٹی چسپاں کی جائے، یہ جلد پر استعمال کے لیے خصوصی طور پر ڈیزائن کی گئی ہے۔

Comments

یہ بھی پڑھیں