سعودی عرب نے بیرون ملک سے آنے والے عمرہ زائرین کے لیے نئی سہولت متعارف کروا دی۔
وزارت حج و عمرہ نے سعودی اتھارٹی فار ڈیٹا اینڈ آٹریفیشل انٹیلی جنس کے تعاون سے ایک نئی سروس پیش کی ہے جس کے ذریعے بیرون مملکت سے آنے والے عمرہ اجازت نامے حاصل کر سکیں گے۔
یہ سروس قدوم پلیٹ فارم پر رجسٹر ہونے اور مملکت میں پہنچنے کے بعد ’اعتمرنا‘ اور ’توکلنا‘ ایپس پر مؤثر ہوں گی۔
ان ایپس کے ذریعے مسجدالحرام اور مسجدنبویﷺ میں نمازوں میں ادائیگی کے اجازت، روضہ رسول ﷺ پر حاضری اور عمرے کی اجازت حاصل کی جا سکتی ہے۔
وزارت حج و عمرہ کا کہنا ہے کہ اعتمرنا اور توکلنا ایپس اپ ڈیٹ کر لیں۔
سعودی وزارتِ حج اور عمرہ نے اعلان کیا ہے کہ ایک سے دوسرے عمرے کے دوران پندرہ روز کی شرط ختم کر دی ہے، آئندہ اجازت نامے کی معیاد ختم ہوتے ہی نئے عمرے کا اجازت نامہ لیا جا سکے گا۔
نئے عمرے کا اجازت نامہ پہلا اجازت نامہ ختم ہوتے ہی توکلنا یا اعتمرنا ایپ کے ذریعے حاصل کیا جاسکے گا۔