The news is by your side.

Advertisement

سردیوں میں وزن کیسے کم کیا جائے؟

وزن کم کرنے کے خواہش مند افراد کو سردیوں میں فٹنس کلب (جم) جانے میں بہت دقت پیش آتی ہے جس کی وجہ سے وہ اپنے وزن پر قابو نہیں پاسکتے تاہم حیران کُن بات یہ ہے کہ سردیوں میں کچھ معمولی عادات کو اپنا کر بڑھتے وزن کو قابو کیا جاسکتا ہے۔

تحقیقات سے یہ بات ثابت ہوئی کہ سردیاں موٹاپے کو دور کرنے میں کارآمد ثابت ہوتی ہیں کیونکہ موسم سرما میں انسانی صحت پر دائمی اثرات مرتب ہوتے ہیں۔

پڑھیں: سردیوں میں بیماریوں سے محفوظ رکھنے والی فائدہ مند غذائیں

آسٹریلوی محقق ماہر ڈاکٹر پاؤل جو سڈنی کے گرونِ انسٹی ٹیوٹ آف مڈیکل ریسرچ میں کئی برس سے تدریسی امور سرانجام دے رہے ہیں اُن کا کہنا ہے کہ ’سردیوں میں سونے کی وجہ میٹابولزم تیزی سے بڑھتا ہے جس کے نتیجے میں کسی بھی شخص کو موٹاپے کی شکایت ہوسکتی ہے‘۔

اُن کا کہنا ہے کہ ’موسم سرما صحت کے لیے اچھا تصور کیا جاتا ہے کیونکہ اس دوران آپ کے جسم میں موجود کیلوریز ختم ہونے کی وجہ سے چربی ختم ہوتی ہے جس کی وجہ سے آپ موٹاپے سے آسانی سے نجات حاصل کرلیتے ہیں۔

محقق کا کہنا ہے کہ بہت سارے لوگ نہیں جانتے کہ اُن کے جسم کو سردیوں اور گرمیوں میں کن غذاؤں کی ضرورت ہے کیونکہ اُن کوئی اچھا مشورہ دینے والا کوئی نہیں ہوتا تاہم کچھ چیزوں کو استعمال کر کے سردیوں میں وزن کو گھٹایا جاسکتا ہے۔

پانی کی زیادہ مقدار والی غذائیں

موسم سرما میں اگر آپ وزن کم کرنا چاہتے ہیں تو ایسے پھلوں کا استعمال کریں جن میں پانی کی مقدار زیادہ ہوتی ہے جیسے ’تربوز، کھیرا، ٹماٹر، ناریل کا پانی، لیموں، اسٹار فروٹ، گرے فروٹ وغیرہ کا استعمال کریں۔

علاوہ ازیں سردیوں میں سوپ اور پانی کا استعمال بھی کیلوریز ختم کرتا ہے جو موٹاپے کو کم کرنے میں بہت مدد گار ثابت ہوتا ہے۔

پانی کا استعمال

تحقیق سے معلوم ہوا کہ پانی صحت کے لیے بہت کارآمد ہے، لیکن بہت سارے لوگ خصوصاً گرمیوں میں ٹھنڈا پانی استعمال کرتے ہیں جس کی وجہ سے وزن میں تیزی سے اضافہ ہوتا ہے تاہم گرم پانی بھوک کو کم اور توانائی کو بڑھاتا ہے۔

سردیوں میں زیادہ مقدار میں گرم (نارمل) پانی پینے سے جسم کا درجہ حرارت برقرار رہتا ہے جس کی وجہ سے جسم میں موجود زہریلا فضلا ختم ہوجاتا ہے۔

سورج کی روشنی

یقیناً آپ کو یہ سن کر حیرت ہوگی کہ سورج کی روشنی وزن کو کم کرنے میں مددگار ہے، سورج سے نکلنے والی شعاعین دماغ میں بننے والے کیمیائی مادے کو ختم کرتی ہیں جس کی وجہ سے انسان ذہنی تناؤ کا شکار نہیں ہوتا۔

یہ بھی پڑھیں: صبح جلدی اٹھنے کے فوائد

صبح کے وقت سورج کی تیز روشنی مصنوعی روشنی سے بہت بہتر ہے اور وہ خوراک کے ساتھ ساتھ بھوک کو کم کردیتی ہے ۔

نوٹ: کسی بھی مرض میں مبتلا افراد طبیب کے مشورے کے بعد یہ عادات اپنائیں


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں