پیسہ بچانے کے 5 راز -
The news is by your side.

Advertisement

پیسہ بچانے کے 5 راز

بڑھتی ہوئی مہنگائی، بلند ہوتے طرز زندگی اور ایک دوسرے سے آگے نکلنے کی دوڑ میں آج کل پیسہ بچانا ایک مشکل کام ہوگیا ہے۔ روز بروز بلند ہوتے افراط زر کے باعث یہ ایک مشکل کام ہے۔

لیکن پیسہ بچانا بھی ضروری ہے۔ یہ آپ کے مستقبل میں کسی برے وقت میں کام آسکتا ہے۔

ماہرین کے مطابق کچھ طریقے ایسے ہیں جن کو اپنا کر آپ اپنے مستقبل کے لیے رقم بچا سکتے ہیں۔

:رقم کی اہمیت جانیں

shop

جب بھی آپ کوئی چیز خریدیں تو اپنے آپ سے سوال کریں کہ کیا یہ وہ چیز ہے جس کو حاصل کرنے کے لیے میں دن رات محنت کرتا ہوں؟ اگر آپ کا جواب نفی میں ہے تو اس چیز کو مت خریدیں اور آگے بڑھ جائیں۔

:خواہشات کو کم کریں

foodie

اگر آپ اپنی تمام خواہشات کو پورا کرتے ہیں تو آپ کبھی پیسہ نہیں بچا سکتے۔ اس کا مطلب یہ نہیں کہ آپ اپنی خواہشات سے دستبردار ہوجائیں اور زندگی سے لطف اندوز نہ ہوں۔ صرف ان کو کم کردیں۔

مثال کے طور پر اگر آپ اچھا کھانے کے شوقین ہیں تو ہر ویک اینڈ پر کسی مہنگی جگہ کھانا کھانے کے بجائے مہینے میں ایک یا دو بار باہر جائیں۔ اگر آپ کو شاپنگ کا شوق ہے تو ہر ہفتے خریداری کے بجائے مہینے میں ایک یا دو بار شاپنگ کریں۔

:اضافی کام کو نہ ٹھکرائیں

sm-2

اگر آپ کو اوور ٹائم کی پیشکش کی جارہی ہے تو اسے کبھی مت ٹھکرائیں۔ گھر جا کر اپنے پسندیدہ ٹی وی شو دیکھنے یا سونے کو اوور ٹائم پر ترجیح مت دیں۔

اس سے آپ کا پیسہ تو ضائع نہیں ہوگا لیکن آپ کی توانائی ضرور ضائع ہوسکتی ہے جو آپ استعمال کر کے پیسہ کمانے میں خرچ کر سکتے تھے۔

:پیسہ کے بارے میں مختلف نظریہ

sm-3

آپ جو پیسہ بچاتے ہیں اسے یہ مت سمجھیں کہ آپ نے بچایا، بلکہ یوں سمجھیں کہ آپ نے یہ کمایا۔ مثال کے طور پر اگر آپ سال کے آخر تک 50 ہزار روپے بچاتے ہیں تو یوں خیال کیجیئے کہ آپ نے 50 ہزار روپے اضافی کمائے۔

:ضروری جگہ خرچ کریں

family

پیسہ اس وقت تک بے معنی ہے جب تک آپ اس سے کوئی بامعنی چیز نہ خرید لیں۔ اس بات کو سمجھیں کہ پیسہ کو کہاں خرچ کرنا چاہیئے۔ فیملی کے ساتھ باہر کھانا کھانا فضول خرچی نہیں ہے کیونکہ یہ آپ اور آپ کے بچوں کو خوشگوار یادیں دے گا اور آپ ان لمحات سے ایک عرصہ تک لطف اندوز ہوں گے۔

کہا جاتا ہے کہ پیسہ بچانے کا سب سے بہترین طریقہ کوئی سرمایہ کاری کرنا ہے لیکن یاد رکھیں کہ سرمایہ کاری میں لگایا جانے والا پیسہ آپ کے ہاتھ میں نہیں ہوتا نہ ہی وہ کسی ایمرجنسی میں آپ کے کام آسکتا ہے۔ لہٰذا ہر وقت ایک مناسب رقم کو قابل رسائی جگہ پر ضرور رکھیں تاکہ کسی ایمرجنسی کو صورت میں اسے استعمال کیا جاسکے۔

Comments

comments

یہ بھی پڑھیں