تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وقت بچانے کے آسان طریقے

وقت نہیں ملتا، آج کل کا سب سے زیادہ کہا جانے والا جملہ بن چکا ہے۔ انگریزی زبان کا محاورہ ہے، مصروف نظر آتے ہیں لیکن کر کچھ نہیں رہے۔ یہی حال ہماری زندگیوں کا بھی ہوگیا ہے۔ ہم نے اپنی زندگی میں بے مقصد اور بے فائدہ چیزوں کو اس قدر اہمیت دے دی ہے کہ وہ رشتوں اور ضروری کاموں سے بھی زیادہ اہم بن گئی ہیں۔

زندگی کی تیز رفتاری کے ساتھ ساتھ اس بات پر بحث بھی بڑھ رہی ہے کہ کس طرح زیادہ سے زیادہ وقت کو بچایا جائے اور اسے ضروری کاموں میں صرف کیا جائے۔ یہاں ایسے ہی کچھ طریقے بتائے جارہے ہیں جنہیں اپنا کر آپ اپنا وقت بچا سکتے ہیں۔

طے کریں کہ کیا اہم ہے۔ کیونکہ آج سے 5 یا 10 سال بعد 80 فیصد وہ کام جو آپ ابھی کر رہے ہیں، آپ کے لیے بے مقصد ثابت ہوں گے۔ یہ صرف آپ کو مصروف کر رہے ہیں جبکہ ان کا حاصل کچھ بھی نہیں۔

اچھی غذا، بھرپور نیند اور ورزش کو اپنی زندگی کا حصہ بنائیں کیونکہ یہ آپ کی توانائی میں اضافہ کریں گے اور آپ زیادہ کاموں کو کم وقت میں نمٹا سکیں گے۔

دو منٹ کا اصول: کوئی ایسا کام جسے کرنے میں صرف 2 منٹ کا وقت لگے فوراً کر ڈالیں۔ اسے بعد میں ٹالنے پر آپ کے ادھورے کاموں کی فہرست میں اضافہ ہوتا جائے گا۔

دماغ کو کام یاد رکھنے سے آزاد کریں کیونکہ دماغ میں بہت سا ڈیٹا بھرنے سے آپ ضروری کاموں کو بھول سکتے ہیں۔ اس کی جگہ نوٹ بک یا یاد دہانی کے نوٹس اور موبائل ایپس کا استعمال کریں۔

توجہ مرکوز کریں: کسی کام کو کرنے پر مکمل توجہ مرکوز کریں اور اسے مکمل کر کے کسی اور جانب متوجہ ہوں۔ ایسا کرنے سے وہ کام جلدی ہوجائے گا۔

ہیڈ فونز کا استعمال کرنے سے آپ دیگر افراد کے ساتھ غیر ضروری مباحثوں سے بچ سکیں گے اور لوگ آپ کو کام کے دوران پریشان نہیں کرسکیں گے۔

ای میل چیک کرنے کا وقت مقرر کریں۔ روز صبح آفس آتے ہی یا شام میں گھر جانے سے چند منٹ قبل ای میل چیک کرنا آپ کا پورا دن خراب کرسکتا ہے۔ کیونکہ ہوسکتا ہے آپ کو کوئی ایسی ای میل موصول ہوئی ہو جو آپ کے لیے ذہنی پریشانی کا سبب بن سکتی ہو۔ اس کی جگہ دن کے درمیانی حصہ میں ای میل چیک کریں۔

فون کو دور رکھیں۔ یہ ضروری نہیں کہ آپ فون کے دوسری طرف موجود لوگوں کے لیے ہر وقت دستیاب رہیں۔ فون کو سائلنٹ پر رکھیں اور دن میں ایک سے دو بار دیکھ کر ایک ساتھ ہی رپلائی یا کال بیک کریں۔

ذہنی دباؤ کو قبول کریں۔ یہ آپ کو کام کو جلدی اور اچھے طریقے سے کرنے میں مدد دے گا۔

دماغ کو آرام دیں۔ دن کے درمیانی حصہ میں 5 سے 10 منٹ کے لیے کوئی کام نہ کریں اور دماغ کو خالی چھوڑ دیں۔ یہ آپ کو مزید آدھا دن کام کرنے کے لیے نئی توانائی فراہم کرے گا۔

نظر انداز کریں۔ جس کام سے آپ کا تعلق نہیں یا جو سرگرمی آپ کی دلچسپی کی نہیں اسے ’نہ‘ کہیں۔ غیر ضروری چیزوں کو نظر انداز کرنے کی عادت پیدا کریں۔ یہ یقیناً آپ کا بہت سا قیمتی وقت بچانے میں معاون ثابت ہوگا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

- Advertisement -