The news is by your side.

Advertisement

عائشہ عمر نے راز سے پردہ اٹھا دیا

پاکستان کی معروف اداکارہ عائشہ عمر نے ایک انٹرویو میں انکشاف کیا انکا بچپن محرومیوں کے ساتھ صدمے برداشت کرتے گزرا ہے۔

گزشتہ دنوں اداکارہ وماڈل عائشہ عمر نے ایک انٹرویو میں اپنی زندگی کے کئی گوشوں سے پردہ اٹھایا اور اپنے ماضی، بچپن، کیریئر سے متعلق سے اپنے پرستاروں کو آگاہ کیا۔

عائشہ نے اپنی ابتدائی زندگی میں ملنے والے سب سے بڑے صدمے کے بارے میں بات کرتے ہوئے کہا کہ جب وہ صرف 2 سال کی تھیں تو ان کے والد کا انتقال ہوگیا تھا اور وہ میری فیملی کے لیے انتہائی کڑا وقت تھا کہ جب کسی نے بھی آگے بڑھ کر ہماری مدد نہیں کی۔

انہوں نے بتایا کہ اس دور میں والدہ نے ہماری تنہا پرورش کی لیکن ہمارے معاشی حالات بہت خراب تھے، اس وقت میں یہ سوچتی تھی کہ آخر میں کیوں اچھے کپڑے نہیں پہن سکتی اور اچھی زندگی گزار سکتی؟

عائشہ عمر نے انکشاف کیا کہ وہ بہت کم عمری میں زیادتی کا شکار ہوئ تھیں، اس حوالے سے ان کا کہنا تھا کہ اس وقت مجھے اپنے جن دوستوں کی ضرورت تھی وہ میرے پاس نہیں تھے اور نہ ہی کسی نے میرا ساتھ دیا۔

انہوں نے کہا کہ یہ چیزیں حقیقتاْ میرے لیے بہت تکلیف دہ ہیں لیکن مجھے یقین ہے کہ زندگی کے ہر لمحے سے اؔٓپ کچھ نہ کچھ سیکھتے ہیں۔

عائشہ نے شوبز کیریئر کے حوالے سے گفتگو کرتے ہوئے کہا کہ جب میں نے شوبز انڈسٹری میں کام کرنا شروع کیا تو بہت سی مشکلات کا سامنا کرنا پڑا، وقت پر پیسے نہیں ملتے تھے، دیگر مسائل بھی سامنے آئے لیکن مشکل حالات سے میں نے کبھی ہار نہیں مانی، اور اس کا صلہ آج مجھے یہ ملا ہے کہ میں آج بہت اچھی اور بہترین زندگی گزار رہی ہوں۔

واضح رہے کہ عائشہ عمر نے اپنے فنی کیریئر کا آغاز  2000 میں کیا تھا، انہوں نے ٹی وی، فلم، فیشن انڈسٹری اور ماڈلنگ ہر شعبے میں کام کرکے اپنے فن کا لوہا منوایا لیکن انہیں اصل شہرت اے آر وائی پر چلنے والے طویل مزاحیہ سٹ کام ’’بلبلے‘‘ میں ’’خوبصورت‘‘ کے کردار سے ملی اور آج بھی شائقین کی اکثریت انہیں انکے اصل نام عائشہ کے بجائے خوبصورت کے نام سے زیادہ جانتے اور پہچانتے ہیں۔

Comments

یہ بھی پڑھیں